அன்பைத்தேடும் அனாதையாய்...

ஹாசிம் · ஹாசிம் Wed Sep 29, 2010 10:14 am

என்னருமை தந்தையே
எப்போழுதும் உன் மொழியில் - மகளே என
என் காதினை குளிர்த்தாலும்
என் ஏக்கம் உன்னருகாமைக்கு

அன்பைத்தேடும் அனாதையாய்
அரவணைப்பற்ற மழலையாய்
அலைகிறேன் அப்பா
அன்னை மறுத்த தந்தை சுகத்திற்காய்

தந்தை விரல் பிடித்து நடக்கும்
தலைநிமிர்ந்த சகாக்களின்
தற்பெருமை மொழிகளுக்கு
தடுமாறுகிறேன் விடையளிக்க

ஏங்கச்செய்த பிரிவில்
ஏக்கங்கொண்ட துயர்கள்
ஏன் எமை மட்டும்
ஏங்கிடச்செய்கிறது

காத்திருந்து கடந்துவிட்ட
காத்திரமான மழலைமொழிகள்
காலத்தால் அழிந்துவிட
காரணமின்றி தொலைத்திருக்கிறோம்

திரும்பிடா மழலைப்பருவத்தில்
திண்டாடிய பாசத்தின்
திகில் தீர்திட வேனும்
திரும்பிடுமா இப்பருவத்தில்

முபிஸ் · முபிஸ் Wed Sep 29, 2010 10:17 am

அப்பாவை பிரிந்து வாழும் ஒரு குழந்தையின் ஏக்கத்தை அழகிய முறையில் வடித்துள்ளீர்கள் கவிதை மிகவும் அருமையாக உள்ளது கவலையை கொண்டு வருகின்றது உங்களுடைய மனசின் ஏக்கம் எனக்கு புரிகின்றது...

**V.Annasamy** · **V.Annasamy** Wed Sep 29, 2010 10:20 am

இனிய வாழ்க்கை பின்னோட்ட நினைவில் நிற்கும் தனிச் சிறப்பு வரி மாலைகள்.

மகிழ்ச்சி

கார்த்திக் · கார்த்திக் Wed Sep 29, 2010 10:23 am

ஒரு குழந்தையின் ஏக்கம் அருமை

மகிழ்ச்சி

ரபீக் · ரபீக் Wed Sep 29, 2010 11:35 am

ஹாசிம் · ஹாசிம் Wed Sep 29, 2010 1:47 pm

முபிஸ் wrote:அப்பாவை பிரிந்து வாழும் ஒரு குழந்தையின் ஏக்கத்தை அழகிய முறையில் வடித்துள்ளீர்கள் கவிதை மிகவும் அருமையாக உள்ளது கவலையை கொண்டு வருகின்றது உங்களுடைய மனசின் ஏக்கம் எனக்கு புரிகின்றது...

நன்றி நண்பா