வழக்குகளை விரைந்து முடிக்காத காவல் துறையினரின் சம்பளம் பிடித்தம்

ரபீக் · ரபீக் Tue Sep 28, 2010 11:52 am

வழக்குகளை விரைந்து முடிக்காத காசியாபாத் மாவட்ட 9 உதவி ஆய்வாளர்களின் சம்பளத்தை பிடித்தம் செய்யப் போவதாக மூத்த காவல் துறை கண்காணிப்பாளர் ரகுவீர் லால் தெரிவித்துள்ளார். அவர்கள் நிலுவையில் வைத்துள்ள வழக்கு எண்ணிக்கைகளின் அடிப்படையில் சம்பள பிடித்தம் இருக்கும் என்றும் ரகுவீர் லால் தெரிவித்துள்ளார்.

சகிபாபாத் காவல் நிலையத்தில் 382 வழக்குகளும், லோனி காவல் நிலையத்தில் 216 வழக்குகளும், முரட்நகர் காவல்நிலையத்தில் 189 வழக்குகளும், இந்திரா புரம் காவல்நிலையத்தில் 109 வழக்குகளும் நிலுவையில் உள்ளதாகத் தெரிகிறது.

சம்பள பிடித்தம் போன்றதொரு முடிவுகள் எந்த மாதிரியான விளைவுகளை உருவாக்கும் என சொல்லி தெரிய வேண்டியதில்லை. வழக்குகளை விரைந்து முடிக்காத உதவி ஆய்வாளர்கள் கண்ணில் படும் ஒவ்வொருவனையும் பிடித்து அவன் மேல் நாலு கேஸ் போடுவார்கள்.

இது போன்றதொரு அவசர கதியிலான முடிவுகளை கை விட்டு ஆரோக்கியமான முடிவுகளை எடுப்பாரா மூத்த காவல்துறை கண்காணிப்பாளர் ரகுவீர் லால்?

இந்நேரம்