சிங்கம்புணரி அருகே ஆம்னி வேன் கடத்தல்

**சிவா** · **சிவா** Wed Aug 05, 2009 12:39 am

சிங்கம்புணரி : சிங்கம்புணரி அருகே டிரைவரை கீழே தள்ளிவிட்டு ஆம்னி வேனை மர்ம நபர்கள் கடத்தி சென்றனர்.

புதுக்கோட்டை மாவட்டம் பொன்னமராவதியைச் சேர்ந்தவர் பர்குதீன். இவர் ஆம்னி வேன் வாடகைககு விடும் தொழில் செய்து வருகிறார். இவரிடம் அதே ஊரைச் சேர்ந்த ரபீக்ராஜா டிரைவராக உள்ளார்.

நேற்று முன்தினம் இரவு மதுரை மாவட்டம் பொட்டபட்டிக்கு செல்ல வேண்டும் என ரபீக்ராஜாவிடம் மூன்று பேர் ஆம்னி வேனை வாடகைக்கு எடுத்துள்ளனர். சிவகங்கை மாவட்டம் புதூர் பிரான்மலை சாலையில் வண்ணாயிருப்பு பகுதியில் ஆம்னிவேன் சென்று கொண்டிருந்தது.

அப்போது வண்டியிலிருந்த வாலிபர்கள் டிரைவரிடம் கத்தியை காட்டி மிரட்டி தாக்கியுள்ளனர். பின்பு துணியால் வாயை கட்டி மலைப்பாதையில் உருட்டி விட்டு ஆம்னிவேனை கடத்தி சென்றனர். தப்பி வந்த ரபீக்ராஜா உலகம்பட்டி போலீசில் புகார் செய்தார். போலீசார் வழக்குப்பதிவு செய்து விசாரித்து வருகின்றனர்.

**சிவா** · **சிவா** Wed Aug 05, 2009 12:39 am

மூதாட்டிகளை தாக்கி 7 பவுன் நகை பறிப்பு மர்ம நபர்கள் கைவரிசை

சிங்கம்புணரி : சிங்கம்புணரி அருகே முறையூர் கோவில்பட்டி சாலையில் மூதாட்டிகளை தாக்கி மர்ம நபர்கள் 7 பவுன் நகையை பறித்துச்சென்றனர். சிங்கம்புணரியை அடுத்த எல்.கோவில்பட்டியைச் சேர்ந்த பெரியகருப்பன் மனைவி பேச்சி(55). அதே ஊரைச் சேர்ந்தவர்கள் நாட்டாமை மனைவி கருப்பாயி(60), சின்னையா மனைவி சின்னம்மாள் (60). மூன்றுபேரும் திருப்பத்தூரில் நடந்த துக்க நிகழ்ச்சிக்கு சென்று விட்டு மீண்டும் ஊர் திரும்பினர்.

முறையூரிலிருந்து எல்.கோவில்பட்டிக்கு சாலையில் நடந்து சென்றபோது அங்கு மோட்டார் சைக்கிளில் வந்த இரண்டு மர்ம நபர்கள் மூன்று பேரையும் கத்தியால் கீறி நகையை பறித்துச்சென்றனர். இதுகுறித்து எஸ்வி மங்கலம் போலீசில் புகார் செய்யப்பட்டது. போலீசார் வழக்குப்பதிந்து விசாரித்து வருகின்றனர்.

சிங்கம்புணரி அருகே ஆம்னி வேன் கடத்தல்

சிங்கம்புணரி அருகே ஆம்னி வேன் கடத்தல்

Re: சிங்கம்புணரி அருகே ஆம்னி வேன் கடத்தல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக