தமிழுக்கும் அமுதென்று பேர்! - பாவேந்தர் பாரதிதாசன்

ramesh.vait · ramesh.vait Sun Oct 18, 2009 12:04 am

தமிழுக்கும் அமுதென்று பேர்! - அந்தத்
தமிழ் இன்பத் தமிழ்எங்கள் உயிருக்கு நேர்!
தமிழுக்கு நிலவென்று பேர்! - இன்பத்
தமிழ் எங்கள் சமுகத்தின் விளைவுக்கு நீர்!
தமிழுக்கு மணமென்று பேர்! - இன்பத்
தமிழ் எங்கள் வாழ்வுக்கு நிருமித்த ஊர்!
தமிழுக்கு மதுவென்று பேர்! - இன்பத்
தமிழ் எங்கள் உரிமைச்செம் பயிருக்கு வேர்!

தமிழ் எங்கள் இளமைக்குப் பால்! - இன்பத்
தமிழ் நல்ல புகழ்மிக்க புலவர்க்கு வேல்!
தமிழ் எங்கள் உயர்வுக்கு வான்! - இன்பத்
தமிழ் எங்கள் அசதிக்குச் சுடர்தந்த தேன்!
தமிழ் எங்கள் அறிவுக்குத் தோள்! - இன்பத்
தமிழ் எங்கள் கவிதைக்கு வயிரத்தின் வாள்!
தமிழ் எங்கள் பிறவிக்குத் தாய்! - இன்பத்
தமிழ் எங்கள் வளமிக்க உளமுற்ற தீ!

kirupairajah · kirupairajah Sun Oct 18, 2009 2:54 am

அருமையான் பாரதி பாடல். நன்றி ரமேஸ்!

nandhtiha · nandhtiha Sun Oct 18, 2009 12:03 pm

வணக்கம்
நல்ல பதிவு
நன்றி
அன்புடன்
நந்திதா

nandhtiha · nandhtiha Sun Oct 18, 2009 3:08 pm

வணக்கம்
திருத்துவதற்கு வருந்துகிறேன்
//தமிழுக்கும் அமுதென்று பேர்! - அந்தத்
தமிழ் இன்பத் தமிழ்எங்கள் உயிருக்கு நேர்!//
என்பது தமிழுக்கு அமுதென்று பேர் என்று இருக்க வேண்டும்.ஏனெனில்மஃகான் ஒற்று சேருமானால் பொருள் சிதைந்துவிடும்.
தமிழுக்கும் அமுதென்று பேர் என்றால் வேறொரு மொழிக்கும் அமுது என்ற பெயர் இருக்கிறது என்று தேறும். தமிழுக்கு மட்டும் தான் அமுது என்று பெயர்.
இனிமையும் நீர்மையும் தமிழெனலாமே - பிங்கலந்தை
"உள்ளுதொறு முள்ளுதொறு முண்ணாவில் அமுதுரைக்கும் திருமுத்தமிழும்" கல்லாடம் முதலிய நூலகள் கூறியவாற்றான் காண்க

கொள்ளுவதும் தள்ளுவதும் திரு ரமேஷ் அவர்களின் கடன்
அன்புடன்
நந்திதா

aeroboy2000 · aeroboy2000 Fri Apr 24, 2020 8:46 pm

nandhtiha wrote:வணக்கம்
திருத்துவதற்கு வருந்துகிறேன்
//தமிழுக்கும் அமுதென்று பேர்! - அந்தத்
தமிழ் இன்பத் தமிழ்எங்கள் உயிருக்கு நேர்!//
என்பது தமிழுக்கு அமுதென்று பேர் என்று இருக்க வேண்டும்.ஏனெனில்மஃகான் ஒற்று சேருமானால் பொருள் சிதைந்துவிடும்.
தமிழுக்கும் அமுதென்று பேர் என்றால் வேறொரு மொழிக்கும் அமுது என்ற பெயர் இருக்கிறது என்று தேறும். தமிழுக்கு மட்டும் தான் அமுது என்று பெயர்.
இனிமையும் நீர்மையும் தமிழெனலாமே - பிங்கலந்தை
"உள்ளுதொறு முள்ளுதொறு முண்ணாவில் அமுதுரைக்கும் திருமுத்தமிழும்" கல்லாடம் முதலிய நூலகள் கூறியவாற்றான் காண்க

கொள்ளுவதும் தள்ளுவதும் திரு ரமேஷ் அவர்களின் கடன்
அன்புடன்
நந்திதா

மேற்கோள் செய்த பதிவு: 87885

அன்பு தமிழ் உணர்வாளரே ...

நன்று நன்று

தமிழுக்கும் அமுதென்று பேர்
சரிதான்

கவிஞர் சொல்ல விழைந்தது

தமிழுக்கும் அமுதென்று பேர்

இன்னொன்று அமுதம் என்றால்
அது
அமுதம் (அமிர்தம்) தான் ...

பாற்கடலில் பெற்ற அமுதம் ஒன்று தான்

அதற்கு ஈடானது
தமிழ் மொழி

எனினும் உங்கள் தமிழ் அபிமானத்திற்கு எனது
வணக்கங்கள்
வாழ்த்துகள்

கே எல் என்

**ayyasamy ram** · **ayyasamy ram** Fri Apr 24, 2020 9:55 pm

பொதுவாக, அமிழ்தம் (அமுதம்) என்றால் உணவு என்று பொருள்.
வானுலகில் வாழும் தேவர்கள் உண்ணும் உணவிற்கும் அமிழ்தம்
என்று பெயர். அது மிகவும் சுவை உடையது என்றும், அதை
உண்பதினால் தான், தேவர்கள் சாகா வரத்துடன் வாழ்கிறார்கள்
என்றும் ஒரு நம்பிக்கை உண்டு.

நல்ல சுவையான உணவை உண்ணும் போதுகூட,
"ஆகா! என்ன சுவை! என்ன சுவை! ‘அமிழ்தம்’ போன்றல்லவா
இருக்கிறது” என, தேவர்கள் உண்ணும் உணவை மனத்திற்
கொண்டு, கூறுகிற மரபு உண்டு.

பாரதிதாசனுக்கோ தமிழே அமிழ்தமாகின்றது. எனவே

தமிழுக்கும் அமுதென்று பேர் ! - அந்தத்
தமிழ் இன்பத் தமிழ் எங்கள் உயிருக்கு நேர்

என்று பாடியுள்ளார்

நன்றி- தமிழ் இணையக் கல்விக்கழகம்