ஹைக்கூ எழுதுவது எப்படி!

**சிவா** · **சிவா** Sun Sep 26, 2010 3:33 pm

First topic message reminder :

சுஜாதாவை படித்தவரையில் நான் புரிந்துகொண்டது ஹைக்கூவில் காட்சிப்படுத்தல் மிக முக்கியம்; அதை சொல்லும் விதத்தில் கடைசீ வரியில் ஒரு எதிர்பாராத திருப்பம் தந்து சில செய்திகளை சொல்லி யோசிக்க வைக்க வேண்டும்.

ஜூ.வி.யில் பல்லாண்டுகள் முன் ஹைக்கூ பற்றி கட்டுரை எழுதி வாசகர்களை எழுதவைத்து சுஜாதா தேர்வு செய்ததில் எனக்கு இன்றும் நினைவில் நிற்கும் ஹைகூ.

கண்ணகி சிலையின்
கைசிலம்பில்
சிலந்திவலை.

மூன்றாம் அடியில் சிலந்திவலையை நீங்கள் எதிர்பார்க்கவில்லை என்றால் அது ஹைகூவின் முதல் வெற்றி.

தெருவுக்குத்தெரு சிலைகள் நட்டு அவற்றை பராமரிக்காமல் சிலந்திவலை படரவிட்டிருக்கும் அபத்தம் உங்களுக்கு (அல்லது தெருமுனை சிலைகள் காக்காய்கள் உபயத்தில் தலைமட்டும் சற்று அழுக்கு வெளுப்பில் இருப்பது) நினைவுக்கு வந்து சற்றேனும் புன்னகைக்க வைத்தால் அது ஹைக்கூவின் அடுத்த வெற்றி.

மதிப்பீடுகளை பின்பற்றாமல் வெறும் அடையாளங்களை சடங்காக்கி கொண்டாட ஆரம்பித்து அது நமது சமூகத்தில் தோற்றுவித்திருக்கும் அவலங்கள் …. என்றெல்லாம் எதிர்நீட்டி சிந்திக்க ஆரம்பித்துவிட்டால் ….

இந்த ஹைக்கூ தன் பிறவிப்பயன் அடைந்துவிட்டது என்றே பொருள்.

இன்னொன்று (நினைவில் இருந்தவரை) :

சாலையோர பிணத்தின்
திறந்திருந்த கண்களில்
மழைநீர்

மறைந்த எங்கள் தமிழ்ப்பேராசிரியர் (சொ.சி என்று அறியப்பட்டவர்) எழுதி எங்கள் வகுப்பில் சட்டென்று பரவலாக சிரிப்பலை எழுப்பினது இது.

கற்பூர ஒளியினில்
கண்மூடிநின்றேன். நினைவில்
விட்டுவந்த செருப்பு

தி.ஒ.க யாகூ குழுமத்தில் என் முயற்சி இது!

நீளிரவில் தனிபயணம்
கூடவே வருகிறது
வானத்து நிலா

முத்துகுமார்!

அச்சலா · அச்சலா Wed Nov 28, 2012 11:16 am

அருமையக உள்ளது..
நானும் கற்றுக்கொள்கிறேன்...

பூவன் · பூவன் Wed Nov 28, 2012 11:24 am

உன் பெயரை படிக்கும்
போது தான் புரிந்தது
உயிர் எழுத்தின் அர்த்தம் ......

அச்சலா · அச்சலா Wed Nov 28, 2012 11:33 am

பூவன் கவிதை எழுத இதுதான் காரணமா?
நன்றிகள் பல சிவா......

**T.N.Balasubramanian** · **T.N.Balasubramanian** Thu Sep 02, 2021 5:44 pm

நன்றி ..

ஹை க்யூ என்று கூறிக்கொண்டு, பதிவிடும் பதிவர்கள் நிச்சயமாக படிக்கவேண்டிய தலைப்பு
://eegarai.darkbb.com/t42968-topic .

நல்லதோர் விளக்கம்.

ஹைக்யு புனைதல்
துப்பறியும் புதினத்தின்
கடைசி அத்யாயம்

**Dr.S.Soundarapandian** · **Dr.S.Soundarapandian** Fri Sep 03, 2021 10:18 am

"சுஜாதாவை படித்தவரையில் நான் புரிந்துகொண்டது ஹைக்கூவில் காட்சிப்படுத்தல் மிக முக்கியம்; அதை சொல்லும் விதத்தில் கடைசீ வரியில் ஒரு எதிர்பாராத திருப்பம் தந்து சில செய்திகளை சொல்லி யோசிக்க வைக்க வேண்டும்." -

சூப்பர் சிவா! சூப்பருங்க