வாந்தியுடன் கூடிய திணறடிக்கின்ற தலைசுற்று

தலைசுற்று அல்லது கிறுகிறுப்பு ஆனது, தலை அசைவது போன்ற ஒரு பிரமை / பொய்த்தோற்றமாகும். (நோயாளி தான் அல்லது தன்னைச் சூழவுள்ளவை சுற்றுவது போல உணருவார்) அவர் பயத்தை உணரலாம். எமது உடலின் சமநிலையானது, பிரதானமாக கண் மூலமாகவே பேணப்படுகிறது. உட்காது என்புகள், மூட்டுக்கள் மற்றும் தசைகளின் அசைவு போன்றனவும், சுற்றவுள்ள சூழல் பற்றிய தகவல்களை வழங்கி சமநிலையைப் பேண உதவும். சூழலில் ஏற்படும் மாற்றத்தைப் பொறுத்து கண், காது மற்றும் மூட்டுக்களிலிருந்து பெறப்படும் தகவல்களை சேகரித்து மூளையும், நடு மூளையும் பொருத்தமான தசைகளுக்கு தகவல் அனுப்புவதன் மூலம் சூழலில் ஏற்படும் மாற்றத்திற்காக மனிதனைத் தயார்ப்படுத்தும்.

தலை சுற்றுதலுக்கான பிரதான காரணங்கள் .

1. மையநரம்புத்தொகுதியுடன் தொடர்புடைய காரணங்கள் உ+ம் – பக்கவாதம் , மூளைக்கட்டிகள், பன்மடங்கான முரணைகட்டுதல்.(Multiple sclerosis).

2. காதுடன் சம்மந்தப்பட்ட காரணங்கள் அ)வெளிக்காது–மெழுகினால் காதுக் கால்வாய் அடைபடல்ஆ)நடுக்காது தொற்றுக்கள்.இ)உட்காது--- மினியேரின் நோய் (Menier’s Disease). சில மருந்துகளினதும் சாராயத்தினதும் பக்கவிளைவுகள் உட்காது வைரசுத் தொற்றுகள். (Vestibular nervonitis)

3. கழுத்துடன் தொடர்புடைய காரணங்கள் --- கழுத்து முதுகெலும்பு இணைப்பு அழிவுநோய் (Cervical Spondylosis). வீதிவிபத்தின் போது திடீரென அசைந்தாடும் கழுத்தினால் (Whiplash injury) நரம்பு காயப்படுவதால் தலைசுற்று ஏற்படும்.

4. பொதுவான மருத்துவப்பிரச்சனைகள். உ+ம்: குருதிச் சோகை, நீரிழிவு.

5. மண்டையோட்டு பிளவுகளினால் நடுக்காதிற்கு காயம் ஏற்படல் நோயாளிக்கு அடிக்கடி தலைசுற்றல் ஏற்படலாம்

காது, மூக்கு, தொண்டை சத்திரசிகிச்சை நிபுணர் அல்லது நரம்பியல் நிபுணர் ஒருவரிடம் ஆலோசனை பெறுவதன் மூலம் சரியான நோய் இனங்காணப்படல் வேண்டும். தேவை ஏற்படின் MRI அல்லது CT ஸ்கான் எடுக்கப்படும்.

நன்றி: வைத்தியர். சந்ரா ஜயசூரிய (காது, மூக்கு, தொண்டை வைத்தியநிபுணர்)