5 மாநிலங்களில் கைவரிசை: மாணவி தலைமையில் இயங்கிய கொள்ளை கும்பல் செல்போனால் சிக்கினார்கள்; ரூ.2 கோடி நகைகள் மீட்பு

கார்த்திக் · கார்த்திக் Sat Sep 25, 2010 5:29 pm

டெல்லி பல்கலைக்கழகத்தில் பிகாம் படிக்கும் மாணவி மான்சிபட். உத்தரகாண்ட மாநிலம் இந்திராபுரத்தைச் சேர்ந்தவர் இவரது தந்தை அரசு உயர் அதிகாரியாக பணியாற்றி இறந்துவிட்டார்.

மான்சி தாயாருடன் வசித்துவந்தார். இந்த நிலையில் அவருக்கு கொள்ளை கும்பலுடன் தொடர்பு ஏற்பட்டது. உ.பி, உத்தர்காண்ட், டெல்லி உள்பட 5 மாநிலங்களில் இவர்கள் கொள்ளையடித்துள்ளனர்.

மாணவி தலைமையில் அவர்கள் செயல்பட்டு வந்துள்ளனர். இவர்கள் மும்பையில் இருந்து ரெயிலில் திரும்பும்போது உத்தரபிரதேச போலீசார் அவர்களை கைது செய்தனர். அவர்களிடம் இருந்து ரூ.2 கோடி மதிப்புள்ள தங்கம்-வைரம் நகைகள் மீட்கப்பட்டன.

மான்சி திருட்டு தொழிலுடன் தென்கிழக்கு டெல்லியில் காலிஞ்சி கஞ்ச் என்ற இடத்தில் உள்ள டிராவல் ஏஜென்சியிலும் பணியாற்றி வந்துள்ளார். கொள்ளையர்களின் ஒருவனான விக்ரம் மான்சியின் நெருங்கிய நண்பன் ஆவான்.

மான்சி வேலை பார்த்துக்கொண்டே திருட்டு தொழிலில் ஈடுபட்டு வந்தார். வெளி இடங்களுக்கு சென்றால் ஆடம்பர ஓட்டல்களில் தங்குவார். இதனால் அவர் மீது யாருக்கும் சந்தேகம் ஏற்படவில்லை.

சில இடங்களில் கூரியர் சப்ளை செய்யும் பெண்ணாக நடித்து கைவரிசை காட்டியுள்ளார்.

இந்த கும்பலை போலீசார் தேடிவந்தனர். கொள்ளை கும்பல் திருட்டு செல்போனை பயன்படுத்தி வந்துள்ளனர். அதை வைத்து போலீசார் பின் தொடர்ந்து சென்று மாணவி மான்சியையும் 6 கொள்ளையர்களையும் கைது செய்தனர்.

balakarthik · balakarthik Sat Sep 25, 2010 5:30 pm

இதுவல்லவோ புதுமை பெண் அதுசரி செய்தியை விட தலைப்பு ரோம்பம்ம்ம்மம்ம்ம்ப நல்லா இருக்கு

5 மாநிலங்களில் கைவரிசை: மாணவி தலைமையில் இயங்கிய கொள்ளை கும்பல் செல்போனால் சிக்கினார்கள்; ரூ.2 கோடி நகைகள் மீட்பு

5 மாநிலங்களில் கைவரிசை: மாணவி தலைமையில் இயங்கிய கொள்ளை கும்பல் செல்போனால் சிக்கினார்கள்; ரூ.2 கோடி நகைகள் மீட்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக