பண்பாட்டை சீர்குலைக்கும் "டிவி'யை யாரும் பார்க்காதீர்கள்: ம.தி.மு.க., எம்.பி.,

திருச்சி: ""சின்னத்திரை எனப்படும், "டிவி'யில் தமிழ்மொழி, தமிழ்ப் பண்பாடு, கலாச்சாரம் அரிதாக இருக்கிறது. தமிழை, பண்பாட்டை சீர்குலைக்கும் "டிவி'யை யாரும் பார்க்காதீர்கள்,'' என, ம.தி.மு.க., எம்.பி., கணேசமூர்த்தி பேசினார்.
திருச்சி பல்நோக்கு மையத்தில், ஓவியர் புகழேந்தியின் "போர்முகங்கள்' என்ற ஓவியக் கண்காட்சி துவக்கி வைத்து, ஈரோடு ம.தி.மு.க., எம்.பி., கணேசமூர்த்தி பேசியதாவது:ஈழத்தில் தமிழ் சமுதாயம் அழிந்து கொண்டிருப்பதை, தமிழக மக்கள் உணர்ந்து கொள்ள தன் தூரிகையை பயன்படுத்தி உள்ளார் ஓவியர் புகழேந்தி. தமிழினம் எழுச்சி பெறவேண்டும் என்பதே அவரின் கருத்தாக உள்ளது.தமிழீழத்தில் போர் முடிந்து விட்டது; போராட்டம் இன்னும் முடியவில்லை என்பதை கண்காட்சி உணர்த்துகிறது. தமிழ் உணர்வை ஒட்டுமொத்தமாக அழிக்கும் வேலையில் ஊடகங்கள் ஈடுபட்டு வருகின்றன.ஒருபுறம் தமிழை காக்க மாநாடு நடந்தாலும், மறுபுறம் "டிவி'யில் "மானாட மயிலாட' மூலம் கலாச்சார சீர்கேட்டை ஏற்படுத்துகின்றனர். அதையறியாமல், தொடர்ந்து "டிவி' நிகழ்ச்சிகளை குறிப்பாக பெண்கள் பார்க்கின்றனர்.
சின்னத்திரை எனப்படும் "டிவி'யில் தமிழ்மொழி, தமிழ்ப் பண்பாடு, கலாச்சாரம் அரிதாக இருக்கிறது. தமிழ் சேனல்களில் வரும் நிகழ்ச்சிகளால், இன்னும் பத்து ஆண்டுக்குள் தமிழ் மொழி அழிந்துவிடும். தமிழை, பண்பாட்டை சீர்குலைக்கும் "டிவி'யை யாரும் பார்க்காதீர்கள்.இவ்வாறு அவர் பேசினார்.ஓவியக் கண்காட்சியில் ஈழப்போர் தொடர்பான 80 ஓவியம் வைக்கப்பட்டிருந்தது. தொடர்ந்து 26ம் தேதி வரை கண்காட்சி நடக்கிறது. நிறைவுநாள் நிகழ்ச்சியில், ம.தி.மு.க., பொதுச் செயலாளர் வைகோ பங்கேற்கிறார்.
ஓவியக்கண்காட்சி துவக்க விழாவில், ம.தி.மு.க., மாநகர் மாவட்டச் செயலாளர் மலர்மன்னன், புறநகர் மாவட்டச் செயலாளர் நடராஜன், இந்திய கம்யூனிஸ்ட் மாவட்டச் செயலாளர் இந்திரஜித் உட்பட பலர் பங்கேற்றனர்.
nadri :dinamalar

உண்மைதான் . ஆனா யாரு கேக்றாங்க ?

என்னப்பா பண்ணுறது ,,மீடியா அனைத்தும் அவங்க கையில்தானே இருக்கு