இனிப்பான தேனுக்கு அடியில் கசப்பான உண்மை

நாட்டில் பாட்டிலில் அடைக்கப்பட்டு விற்கப்படும் வணிகமுத்திரையுடன் கூடிய தேனில் கேடு விளைவிக்கும் ஆண்ட்டி-பயாடிக்குகள் கலந்திருப்பது கண்டு பிடிக்கப்பட்டுள்ளது.

"உத்தரவாதமாக சுத்தமான" தேன் என்று தங்கள் லேபிளில் போடப்பட்டு விற்பக்கப்படும் தேன்கள் மேலுக்குத்தான் இனிப்பு உள்ளுக்குள் பொதிந்திருப்பதோ கசப்பான ரகசியம்.

சுற்றுசூழல் மற்றும் விஞ்ஞான மையம் (CSE) நடத்திய அதிரடி ஆய்வில் இந்த உண்மை வெளிக் கொண்டு வரப்பட்டுள்ளது.

இந்த மையத்தின் மாசுக் கண்காணிப்பு பரிசோதனை மையத்தில் இந்தியாவில் விற்கப்படும் 12 முன்னணி நிறுவனங்களின் தேன் பாட்டில்களை பரிசோதனைக்கு எடுத்துக்கொண்டது.

இதில் டாபர், ஹிமாலயா, பதஞ்சலி, வைத்யநாத், காதி ஆகிய நிறுவனங்களின் தேன் மற்றும் சுவிட்சர்லாந்து, ஆஸ்ட்ரேலிய நிறுவனம் இரண்டின் தேனும் பரிசோதனை செய்யப்பட்டது.

11 தேன் மாதிரிகளில் 6-இல் கடுமையான ஆண்ட்டி-பயாடிக்குகள் அதிக அளவில் கலந்திருப்பது தெரியவந்துள்ளது. இதில் இந்திய நிறுவனத்தின் ஹிட்காரி என்ற வணிக முத்திரை கொண்ட தேனில் மட்டும் ஆண்ட்டிபயாட்டிக் கலவை இல்லை.

தேனில் ஆண்ட்டி-பயாட்டிக்குகளா? சே! சே! இருக்காது சார்! என்று தானே உடனே சொல்லத் தோன்றுகிறது.? தேனுக்குள் மருந்து எப்படி வந்தது என்பது ஒரு சங்கிலித் தொடர்.

தேனீக்களை நோயிலிருந்து காக்கவும், அதனிடமிருந்து அதிக தேன்களை உறிஞ்சவும் தேனீக்களுக்கு இந்த ஆண்ட்டி பயாட்டிக்குகள் கொடுக்கப்படுகின்றன.

நாம் குழந்தைகள் முதல் பெரியோர்கள் வரை தினமும் தேனை ஒரு ஸ்பூன் எடுத்துக் கொள்கிறோம். ஆனால் இந்த ஆண்ட்டி-பயாட்டிக் விளைவால் ரத்தம், கிட்னி, லிவர், எலும்புகள், பல் ஆகியவை கெட்டுக் குட்டிச்சுவராகும் வாய்ப்புகள் ஏராளம்.

மேலும் நமக்கு உடல்நலக்குறைவு ஏற்படும் போது மருத்துவர்கள் கொடுக்கும் ஆண்ட்டி-பயாட்டிக்குகளை இது வேலை செய்ய விடாமல் தடுத்து விடும் என்று சுறுறுச்சூழல் மற்றும் விஞ்ஞான மையத்தின் அறிக்கை எச்சரிக்கை விடுத்துள்ளது.

உஷாரான வளர்ந்த நாடுகள் இந்த ஆண்ட்டி-பயாடிக் தேனுக்கு பெரும்பாலும் தடை விதித்துள்ளது. இந்திய நிறுவனங்கள் தங்கள் தேனை வெளிநாட்டுச் சந்தைகளுக்கு அனுப்பும்போது அந்த விதிமுறைகளின் படி சரிபார்த்து அனுப்புகிறது.

ஆனால் உள்நாட்டில் சரியான கண்காணிப்பு இல்லாததனால் இந்த ஆண்ட்டி-பயாடிக் கலப்பு தேனை விற்பனை செய்து வருகிறது. இதுதான் இந்திய நிறுவனங்களின் மனிதாபிமானமற்ற இரட்டைத்தர்க்கம்.

டாபர் நிறுவனத்தின் தேன் டாபர் ஹனி என்ற வணிக முத்திரையில் விற்கப்பட்டு வருகிறது. இந்தியாவில் 75% சந்தையை தன் கையில் வைத்துள்ளது இந்த தேன். ஆனால் இதில் ஆக்ஸிடெட்ராசைக்ளின் என்ற ஆண்ட்டி பயாடிக், அயல் நாடுகளுக்குச் செல்லும் இதன் தேனில் கலந்திருப்பதை விட 9 மடங்கு கலந்துள்ளது என்று இந்த அறிக்கை எச்சரிக்கை மணி ஒலித்துள்ளது.

மேலும் இதே தேனில் தேனில் பயன்படுத்துவதற்கு முற்றிலும் தடைசெய்யப்பட்ட வேறு இரு மருந்துப் போருளும் கலக்கப்பட்டுள்ளது. இதே மாதிரியை அமெரிக்கா அல்லது ஐரோப்பிய நாடுகள் ஏற்றுமதிக்கு வைத்திருந்தால் நிச்சயம் அவர்கள் இந்தத் தேனை ஏற்றுக் கொள்ள மாட்டார்கள்.

சுவிட்சர்லாந்தின் நாரிம்பெக்ஸ் என்ற நிறுவனத்தின் நெக்டஃப்ளார் நேச்சுரல் பிளாசம் ஹனி என்று விற்கப்படும் தேனில் 6 மோசமான ஆண்ட்டி பயாட்டிக்குகளில் 5 காணப்பட்டுள்ளது. குறிப்பாக ஆம்ப்பிசிலின், எரித்ரோமைசின் என்ற ஆண்ட்டி பயாட்டிக்குகளின் அளவு அளவுக்கதிகமாக இருந்தது தெரியவந்துள்ளது. தேனி வளர்ப்பில் கூட இந்த ஆண்ட்டி பயாட்டிக்குகளை பயன்படுத்த பல நாடுகள் தடை விதித்துள்ளன என்பது குறிப்பிடத்தக்கது. சுவிட்சர்லாந்திலேயே இதனை விற்கத் தடை உள்ளது என்பது நாம் கவனிக்க வேண்டிய ஒரு முக்கியமான விஷயம்.

அதே போல் ஆஸ்ட்ரேலிய நிறுவனத்தின் கேபிலானோ பியூர் அண்ட் நேச்சுரல் ஹனி என்ற வணிகமுத்திரையில் விற்கப்படும் தேனில் தங்கள் சொந்த நாட்டில் இதற்கு விதிக்கப்பட்டுள்ள தரநிலையை கடுமையாக மீறியுள்ளது. இந்த பிராண்ட் தேன் 40 நாடுகளில் விற்கப்படுகிறது என்று தெரிகிறது.

நேற்று இந்த பரிசோதனை முடிவுகளை வெளியிட்டுப் பேசிய சுற்றுச்சூழல் மற்றும் விஞ்ஞான மையத்தின் இயக்குனர் சுனிதா நரைன், "அயல்நாட்டு நிறுவனங்கள் இந்தியாவில் எந்த ஒரு கட்டுப்பாடும் இல்லை என்பதன் பயனை முழுதும் பயன்படுத்திக் கொள்கின்றன. நம் அரசு நம் மக்களின் ஆரோக்கியத்தில் அக்கறை காட்டாதபோது, நிறுவனங்கள் காண்பிக்க வேண்டிய அவசியம்தான் என்ன? என்று கேள்வி எழுப்பினார்.

அயல்நாடுகளுக்குச் செல்லும் இந்த வணிக முத்திரை கொண்ட தேன் பரிசோதனை செய்துதான் இந்தியாவிலிருந்து அனுப்பப்படுகிறது. ஆனால் நம் உள்நாட்டில் விற்கப்படும் இதுபோன்ற பொருட்களுக்கு எந்த வித சோதனையோ, கட்டுப்பாடோ கிடையாது. இதனை ஒரு போதும் ஏற்றுக் கொள்ள முடியாது என்று சுனிதா நரைன் மேலும் கூறுகையில் தெரிவித்துள்ளார்.

தகவலுக்கு நன்றி நண்பரே !

தந்தையர் நாடெனும் போதினிலே இன்ப
தேன் வந்து பாயுது காதினிலே !
என்ற பாரதி இன்று இருந்திருத்தல் ??

மனோஜ் wrote:தகவலுக்கு நன்றி நண்பரே !

தந்தையர் நாடெனும் போதினிலே இன்ப
தேன் வந்து பாயுது காதினிலே !
என்ற பாரதி இன்று இருந்திருத்தல் ??

அந்த தேன் வேறை ,இந்த தேன் வேறை ......

நன்றி நண்பரே

கார்த்திக் wrote:

மனோஜ் wrote:தகவலுக்கு நன்றி நண்பரே !

தந்தையர் நாடெனும் போதினிலே இன்ப
தேன் வந்து பாயுது காதினிலே !
என்ற பாரதி இன்று இருந்திருத்தல் ??

அந்த தேன் வேறை ,இந்த தேன் வேறை ......

நன்றி நண்பரே

ஹையோ ஹையோ

மனோஜ் wrote:

கார்த்திக் wrote:

மனோஜ் wrote:தகவலுக்கு நன்றி நண்பரே !

தந்தையர் நாடெனும் போதினிலே இன்ப
தேன் வந்து பாயுது காதினிலே !
என்ற பாரதி இன்று இருந்திருத்தல் ??

அந்த தேன் வேறை ,இந்த தேன் வேறை ......

நன்றி நண்பரே

ஹையோ ஹையோ

அறியத்தந்தமைக்கு அன்பு நன்றிகள் தோழரே