கெந்திங் மலையும் அதன் சிறப்புகளும்

First topic message reminder :

கெந்திங் மலையும் அதன் சிறப்புகளும்:

மலேசியா, பகாங் மாநிலம், பெந்தோங் மாவட்டத்தில் 5,774 அடி உயரத்தில் அமைந்துள்ளது கெந்திங் மலை! 1965 -ல் டான்ஸ்ரீ Lim Goh Tong என்பவரால் உருவாக்கப்பட்ட இடமாகும். 2006 கணக்கின்படி 18.4 மில்லியன் சுற்றுலாப் பயணிகள் வந்து சென்ற இடமாகத் திகழ்கிறது! இப்பொழுது இதன் எண்ணிக்கை இருமடங்காக உயர்ந்திருக்கும், அவ்வளவு வாகனங்கள் மற்றும் சுற்றுலாப் பயணிகள்!

மலேசியாவின் லாஸ் வெகாஸ் மற்றும் உல்லாசத்தின் சொர்க்கபுரி என்றழைக்கப்படும் இடம்தான் கெந்திங் மலை. கோலாலம்பூரிலிருந்து 50கி.மீ அதாவது ஒரு மணி நேரப் பயணத்தில் இவ்விடத்தை அடையலாம்! கேளிக்கைகள் நிறைந்த இடம், சூதாட்டம் என்றால் அது கெந்திங் என்று தென்கிழக்காசியாவில் அனைவரும் அறிந்த இடம்! 24 மணி நேரமும் மலைப்பாதையில் வாகனங்கள் சென்ற வண்ணம் இருக்கும்! மேலே செல்வதற்கு கெந்திங் ஸ்கைவே என்ற இடத்திலிருந்து gondola car வசதியும் உள்ளது! இந்த gondola car 3.38km தூரம் செல்கிறது! உலகின் அதிவேக மற்றும் தென்கிழக்காசியாவின் மிக நீண்ட என்னும் சிறப்புகளைப் பெற்றது இந்த gondola car. ஒரு மணி நேரத்தில் மலையுச்சிக்கு ஒரு தடவைக்கு 8 பேர் வீதம் 2000 பேரை மலையுச்சிக்கு கொண்டு சேர்க்கும் வல்லமை பெற்றது!

கெந்திங் மலைக்கு செல்லும் பாதை மிகவும் அழகாக, பாதுகாப்பாக அமைக்கப்பட்டுள்ளது! இருப்பினும் கவனக் குறைவற்ற ஓட்டுனர்களால் சாலையோரங்களில் வாகனங்கள் சறுக்கி விழுந்து கிடப்பதைக் காண முடிகிறது! மேலே செல்லச் செல்ல பனிமூட்டங்களால் சூழப்பட்ட அழகான காட்சிகள் கண்டு ரசிக்கக்கூடியதாக உள்ளது! நான் சென்றிருக்கும் பொழுது அரபு நாட்டுச் சுற்றுப் பயணிகள் அதிகம் வந்திருந்தார்கள்! தமிழக சுற்றுப் பயணிகளையும் அதிகம் காண முடிந்தது!

மேலும் கெந்திங் மலையில் First World Hotel என்னும் மிகப்பெரிய ஹோட்டல் உள்ளது! இதில் 6,118 அறைகள் உள்ளன! 2008 வரை உலகின் மிக அதிகமான அறைகளைக் கொண்ட மிகப்பெரிய ஹோட்டல் என்னும் சிறப்பைப் பெற்றுத் திகழ்ந்தது. இப்பொழுது மூன்றாவது இடத்தில் உள்ளது!

http://www.bernama.com/bernama/v3/news_lite.php?id=237233

மிகப்பிரமாண்டமான மூன்று தீம் பார்க் உள்ளது! அவைகள்:

Outdoor Theme Park, First World Indoor Theme Park and Water Park!

இதில் அமைக்கப்பட்டுள்ள spaceshot-ல் பயணிப்பதற்கு குறைந்த அளவிலான நபர்களே ஆர்வம் காட்டுகிறார்கள்! இருதய பாதிப்பு உள்ளவர்கள் இந்த ஸ்பேஸ்ஷாட்டில் மேலே போனால் மொத்தமாக மேலே செல்ல வேண்டியதுதான்! சர்ரென மேலே தூக்கிச் சென்று (சரியான உயரம் தெரியவில்லை) திடீரென கீழே அசுர வேகத்தில் வந்து மீண்டும் மேலே தூக்கி இறக்கி.... இந்த அனுபவத்தை வார்த்தைகளால் விவரிக்க முடியாது! வாழ்வில் ஒருமுறையாவது அனுபவித்துப் பாருங்கள்! அது மனதில் என்றும் நீங்கா நினைவாக இருக்கும்!

https://www.youtube.com/watch?v=pCUpNeGToLs


Flying Dragon மற்றும் Flying Coaster - இதில் பயணிப்பதும் பயங்கர அனுபவம்தான்! இதில் செல்பவர்கள் யாருமே அலறிக் கூச்சலிடாமல் கீழே இறங்குவதே இல்லை! அவ்வளவு திகில் நிறைந்த பயணம்!

http://www.themeparkreview.com/forum/files/genting_highlands_2008-03-18_062_468.jpg
http://www.themeparkreview.com/forum/files/genting_highlands_2008-03-18_120_161.jpg
http://www.themeparkreview.com/forum/files/genting_highlands_2008-03-18_054_842.jpg

முக்கிய குறிப்பு: இங்கு ஒரு தேநீர் விலை 5 வெள்ளிகள், அதாவது 70 ரூபாய்! ஒரு Sausage -ன் விலை நான்கு வெள்ளிகள்!


இங்கு நான் எடுத்த புகைப்படங்களையும் அடுத்து பதிவிடுகிறேன்!

நன்றி தலை பகிர்வுக்கு .