2000 ஆண்டு பழைமையான எலும்புக்கூடுகள் கண்டுபிடிப்பு

ரபீக் · ரபீக் Tue Sep 21, 2010 11:10 am

லண்டனில் 2 ஆயிரம் ஆண்டுகளுக்கு முற்பட்ட எலும்புக் கூடுகள் கண்டுபிடிக்கப்பட்டுள்ளன. இவை குழந்தைகளினதும், சில விலங்குகளினதும் என இனங்காண்ப்பட்டுள்ளன.
இங்கிலாந்தின் தலைநகரமான லண்டனில் சுட்டான் பிரதேசத்தில் 'ஸ்டான்லி பார்க்' என்ற பாடசாலை கட்டப்படவுள்ளது. பாடசாலைக்கான அடித்தளம் அமைக்கும் பணிகளில் ஈடுபடும் போதே, கட்டிடத் தொழிலாளிகள் அங்கே இறந்த குழந்தைகளினதும் மேலும் சில விலங்குகளினதும் எலும்புக் கூடுகளைக் கண்டுபிடித்துள்ளனர்.

அவை 2 ஆயிரம் ஆண்டுகளுக்கு முற்பட்டவையாக இருக்கலாம் என்றும் இது முக்கியத்துவம் வாய்ந்த கண்டுபிடிப்பு எனவும் இங்கிலாந்தின் தொல்லியல் ஆராய்ச்சி நிபுணர் டன்கன் ஹாக்கின்ஸ் தெரிவித்துள்ளார்.

குதிரை, பன்றி, ஆடு, நாய் போன்ற விலங்குகளின் எச்சங்களும் அங்கு இருந்தமை கண்டறியப்பட்டுள்ளது.

விடுப்பு குழுமம்