நேத்து வச்ச மீன் குழம்பு… நல்லதா?!’

கார்த்திக் · கார்த்திக் Thu Sep 16, 2010 4:09 pm

`நேத்து வச்ச மீன் குழம்பு இன்னும் சுவை…’ என்று கேட்க நன்றாக இருக்கலாம். ஆனால் எந்த உணவையும் சமைத்த உடனேயே சாப்பிடுவதுதான் நல்லது.

எந்த வகை உணவாக இருந்தாலும் அதிலிருக்கும் மினரல்ஸ் மற்றும் வைட்டமின் சத்துக்கள் சமைத்த உடன் வெளிவரும் என்பதால், சமைத்த சூடு அடங்குவதற்குள் சாப்பிட்டால் சத்துக்கள் அனைத்தும் உடலில் சேரும். உணவு ஆறிய பின்னர் சாப்பிடுவதால் அது வெறும் சக்கைதான். அதை மீண்டும் சூடு படுத்தி சாப்பிடுவது அதைவிட வேஸ்ட்! சுவையும் இருக்காது.

பிரியாணி, மீன், கோழி, மட்டன் குழம்பு மற்றும் பிற அசைவ உணவுகளை நாள்விட்டு சாப்பிட்டால் சில நேரங்களில் `புட் பாய்ஷன்’ ஆகவும் மாறலாம். இதனால் உடலில் தேவையில்லாத பிரச்சினைகள் ஏற்படும். குறிப்பாக அலர்ஜி மற்றும் தோல் நிறம் மாறும். அதேபோல், காய்கறிகளை நறுக்கி பிரிஜ்ஜில் வைத்து அப்புறம் சமைப்பது, குழம்பை பிரிஜ்ஜில் வைத்து, அடுத்த நாள் சூடாக்கி சாப்பிடுவது என்பதெல்லாம் நோய்களை நாமே தேடிக்கொள்வதற்கு சமம்!

மீனா · மீனா Thu Sep 16, 2010 5:13 pm

அனைவரும் தெரிந்து கொள்ள வேண்டிய பதிவு தான் கார்த்தி

**சிவா** · **சிவா** Thu Sep 16, 2010 5:18 pm

இதெல்லாம் இன்று உள்ள திடீர் சாம்பார் பொடி, திடீர் மசாலா போன்றவற்றால் ஏற்படுவது! முன்னோர்கள் எல்லாம் மீன்குழம்பை சுட வைத்து சுட வைத்து சாப்பிட்டு சுட்டாலும் சாகமாட்டேன் என்று வாழ்ந்தார்கள்!