இலங்கையில் வெடிவிபத்து! 60 பேர் பலி!

இலங்கையில் கிழக்கு பகுதியில் காவல்துறைக்கு சொந்தமான ஆயுதக் கிடங்கில் வெடி விபத்து ஏற்பட்டதாகவும், இந்த வெடிவிபத்தில் 60 பேர் பலியானதாகவும் செய்திகள் வெளியாகி உள்ளன. மேலும் இச்சம்பவத்தில் 50க்கும் மேற்பட்டோருக்கு தீக்காயம் ஏற்பட்டுள்ளதாகவும் தெரிகிறது.


மட்டக்களப்பு – கரடியனாறு காவல் நிலையத்தில் நடந்த இந்த சம்பவத்தில், சில காவல்துறை அதிகாரிகளும் பலியானதாக தகவல்கள் வெளியாகி உள்ளன. மேலும் காவல்நிலைய கட்டிடம் சேதம் அடைந்துள்ளது.


விபத்தில் காயம் அடைந்தவர்கள் மட்டகளப்பு மருத்துவமனையில் சிகிக்சைக்காக அனுமதிக்கப்பட்டுள்ளனர்.


இன்று கரடியனாறு காவல் நிலையத்தில் ஏற்பட்ட வெடிப்பு சம்பவத்தில் 60 பேருக்கும் அதிகமானவர்கள் பலியானதாக, காவல்துறை ஊடக பேச்சாளர் பிரசாந்த ஜெயகொடி தெரிவித்துள்ளார்.


விபத்தில் பலியானவர்கள் மற்றும் காயமடைந்துள்ளவர்களுள் பொது மக்களும் உள்ளடங்குவதாக தெரிவிக்கப்படுகிறது.

ஐ.நா. சபையில் உச்சி மாநாடு வரும் 20ம் தேதி தொடங்கி 22ம் தேதி வரை நடக்கிறது. இலங்கை அதிபர் ராஜபக்சே இம்மாநாட்டில் பங்கேற்க அமெரிக்கா சென்றுள்ளார். இந்த வெடிவிபத்து சம்பவம் குறித்து ராஜபக்சேவுக்கு தகவல் அனுப்பப்பட்டுள்ளது. மேலும் இச்சம்பவம் குறித்து இலங்கை போலீசார் விசாரணை நடத்தி வருகின்றனர் ..

வினை விதைத்தவன் வினையை அறுத்துத்தான் ஆக வேண்டும்