இன உணர்வைத் தூண்டும் குறுஞ்செய்தியை பரப்பாதீர்

**சிவா** · **சிவா** Thu Sep 16, 2010 12:00 pm

டத்தோ சோசிலாவதி உட்பட நால்வர் படுகொலை சம்பந்தப்பட்ட வழக்குத் தொடர்பில் இன உணர்வைத் தூண்டிவிடக்கூடிய குறுஞ்செய்திகளை பரப்புவதை நிறுத்திக் கொள்ளும்படி பொதுமக்களுக்கு நினைவுறுத்தப் பட்டது.

குற்றச் செயல்கள் இன, சமய, தோல் நிறத்தைப் பார்ப்பதில்லை என்று பிரதமர் துறை துணை அமைச்சர் டத்தோ அகமட் மஸ்லான் தெரிவித்தார். பணம், சொத்து, பேராசை, பழிவாங்கும் உணர்வு, லாபத்தை ஈட்டுவதற்கு ஆத்திரப் படுதல், மோசடி, மிரட்டல் போன்ற உணர்வுகளால் தூண்டப் படுவோர் குற்றவாளிகளாக மாறுகின்றனர் என்று அவர் கூறினார்.

ஆகவே இன உணர்வைத் தூண்டக் கூடிய குறுஞ்செய்திகளை பரவச் செய்து இந்த நாட்டில் அமைதியான சுபிட்சமான வாழ்க்கைச் சூழலுக்கு பாதிப்பை ஏற்படுத்திவிட வேண்டாம் என்று அவர் நினைவுறுத்தினார்.

குற்றவாளிகள் தீய எண்ணம் கொண்டவர்கள். ஒரு குறிப்பிட்ட இனத்தை மட்டும் இது குறிப்பிடுவதாக அமையாது என்று அவர் கூறினார். இந்த நாட்டில் நிகழ்ந்துள்ள கடுமையான குற்றச் செயல்களில் பல்வேறு இனத்தை யும் சமயத்தையும் சேர்ந்தவர்கள் சம்பந்தப்பட்டிருப்பதை வரலாறு கூறுகிறது என்றார் அவர்.

உலகத்தில் உள்ள எல்லா நாடுகளிலும் எல்லா இடங்களிலும் கடும் குற்றச்செயல்கள் நிகழவே செய்கின்றன என்று அவர் தெரிவித்தார். குற்றவாளிகள் மனிதாபிமான எல்லையை மீறி செயல்படக்கூடியவர்கள். அவர்கள் மிருகத்தன்மை கொண்டவர்கள்.

ஆகவே, குற்றவாளிகளை இன ரீதியாக பார்க்கக்கூடாது என்றார் அவர்.

மலேசிய நண்பன்

gunashan · gunashan Thu Sep 16, 2010 12:03 pm

ஊருக்குத்தான் உபதேசம். உனகுகும் எனக்கும் இல்லையடி.
சோகம்

**பிளேடு பக்கிரி** · 01/03/2010

Sponsored content · Sponsored content

இன உணர்வைத் தூண்டும் குறுஞ்செய்தியை பரப்பாதீர்

இன உணர்வைத் தூண்டும் குறுஞ்செய்தியை பரப்பாதீர்

Re: இன உணர்வைத் தூண்டும் குறுஞ்செய்தியை பரப்பாதீர்

Re: இன உணர்வைத் தூண்டும் குறுஞ்செய்தியை பரப்பாதீர்

Re: இன உணர்வைத் தூண்டும் குறுஞ்செய்தியை பரப்பாதீர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக