ஆங்கிலப் பழமொழிகள்

கார்த்திக் · கார்த்திக் Wed 15 Sep 2010 - 17:40

1. கொஞ்சம் விளக்கிச் சொன்னால், கொஞ்சம் சகித்துக்கொண்டால், கொஞ்சம் பொறுமையாக இருந்தால் சண்டைகளே ஏற்படாது.

2. நீண்ட அனுபவத்தை அடிப்படையாகக் கொண்ட சிறிய வாக்கியங்கள்தான் பழமொழிகள்.

3. அறம், முதலில் குடும்பத்திலிருந்து தொடங்குகிறது.

4. குழந்தைகளைப் பற்றி அறியாதவர்கள், அன்பைப் பற்றியும் அறியமாட்டார்கள்.

5. காலிப் பாத்திரங்கள்தான் மிக அதிகமாக ஓசை எழுப்புகின்றன.

6. சில சமயங்களில் உண்மைகள், கற்பனைக் கதைகளைவிட விசித்திரமாக இருக்கும்.

7. ஒரு முட்டாள், தன் நண்பர்களிடமிருந்து கற்றுக்கொள்வதைவிட அதிகமாக, ஒரு அறிவாளி தன் எதிரிகளிடமிருந்து கற்றுக்கொள்கிறான்.

8. நம் மிகப்பெரிய எதிரியும், நம் மிக நல்ல நண்பனும், நம் உள்ளத்திலேயே உண்டு.

9. இதயத்திற்குத் தீப்பிடித்தால் சில பொறிகள் வாய் வழியே வெளியே வரத்தான் செய்யும்.

10. சிந்திப்பவர்களுக்கு இந்த உலகம் நகைச்சுவையாகத் தோன்றும். உணர்ச்சிவசப்படுபவர்களுக்கு இந்த உலகம் துக்ககரமானதாகத் தோன்றும்.