அசைவ உணவு பிரியர்களுக்கு ஒரு ருசிகர தகவல் விஞ்ஞானிகள் கண்டுபிடிப்பு

அசைவ உணவு வகைகளை சமைக்கும்போது அதில் கருவேப்பிலை, புதினா, பூண்டு ஆகியவற்றை கலந்து சமைத்தால் புற்றுநோயை தடுக்கலாம் என்று அசைவ உணவு பிரியர்களுக்கு ஒரு ருசிகர தகவலை விஞ்ஞானிகள் வெளியிட்டுள்ளனர்.

பொதுவாக அசைவ பிரியர்கள் மீன், கோழிக்கறி, ஆட்டுக்கறி போன்ற இறைச்சி வகைகளை அதிகம் விரும்பி சாப்பிடுவார்கள். வாரத்திற்கு 2 அல்லது 3 நாட்களாக வீடுகளில் அசைவ உணவு மணக்கும். ஞாயிற்றுக்கிழமை களில் இறைச்சி கடைகளில் பார்த்தால் கியூவில் நின்று மக்கள் தங்களுக்கு பிடித்த அசைவ உணவுகளை வாங்கிச் செல்வார்கள். அவர்கள் வீட்டு பக்கம் நடந்து சென்றால் மசாலா வாசனை மூக்கை துளைக்கும்.

சைவ உணவு சாப்பிடுபவர்களின் வீட்டில் குழம்பு, ரசத்தில் வாசனைக்காக சிறிது கருவேப்பிலையை போடுவார்கள். அதேபோல புதினாவை துவையல் அரைத்து சாப்பிடுவார்கள். சிலர் வீடுகளில் பூண்டு ரசம் வைத்து சாப்பிடுவார்கள். ஏனெனில் இவைகள் உடல் ஆரோக்கியத்துக்கு நல்லது என்பதற்காக அதனை உணவுடன் சேர்த்துக் கொள்வார்கள்.

கருவேப்பிலை, புதினா, பூண்டு ஆகியவற்றில் புற்றுநோயை எதிர்க்கும் சக்தி உள்ளதால் அதனை அசைவ உணவு வகைகளில் சேர்த்து சாப்பிட்டால் புற்றுநோயை தடுக்கலாம் என்று விஞ்ஞானிகள் தற்போது கூறியுள்ளனர்.

இவைகளை இறைச்சிகளில் சேர்த்து சமைத்தால் 30 சதவீதத்தில் இருந்து 100 சதவீதம் வரை புற்றுநோய் ஏற்படுவதை தடுக்கலாம் என்று கான்சாஸ் மாநில பல்கலைக்கழகத்தில் உள்ள ஆராய்ச்சியாளர்கள் கண்டு பிடித்துள்ளனர்.

ஒருவேளை அவற்றின் வாசனை சில அசைவ பிரியர்களுக்கு பிடிக்காமல் போகலாம். அதற்காக அந்த செடிகளின் சாறுகளை பிழிந்து அதனை பயன் படுத்தலாம். அவ்வாறு பிழிந்தெடுக் கப்படும் சாறினால் அவர்களுக்கு எந்த வாசமும் தெரியாது என்று பேராசிரியர் ஜே. ஸ்காட் ஸ்மித் என்பவர் தெரிவித்துள்ளார்.

மேலும் இவை உடலில் இரப்பைக்கு அருகில் உள்ள செரிமானத்திற்குரிய நீர் சுரக்கும் சுரப்பி கணையம் நல்ல நிலையில் இயங்குவதற்கும் பயன் உள்ளதாக இருக்கும் ஆராய்ச்சியில் கண்டறியப்பட்டுள்ளது.

எனவே கருவேப்பிலை, புதினா, பூண்டு ஆகியவற்றை ஒவ்வொரு வரும் சமையலில் சேர்த்து உட்கொண்டால் உடலுக்கு நல்லது. அதில் உள்ள எதிர்ப்பு சக்திகள் புற்றுநோய் நோய் உண்டாவதை தடுக்கும் ஆற்றல் உள்ளவை என்றும் ஆராய்ச்சி யாளர்கள் தெரிவித்துள்ளனர்.