மிகப் பெரிய ரயில்வே கடிகாரம்:

கார்த்திக் · கார்த்திக் Wed 15 Sep 2010 - 17:22

÷உலகிலேயே மிகப் பெரிய ரயில்வே கடிகாரம் ரஷ்யாவில், செயின்ட் பீட்டர்ஸ் பர்க் எனும் நகரத்தில் உள்ளது. 2002 மே 3-ஆம் தேதி பொருத்தப்பட்ட இதன் அகலம் 3.5 மீட்டர். இதன் எடை 2000 கிலோ. இருபுறத்திலிருந்தும் நேரம் பார்க்கக்கூடிய இதை, சுவிட்சர்லாந்திலுள்ள ஒரு நிறுவனம் தயாரித்திருக்கிறது.

ஹிபாகுஷா (HIBAKUSHA):

÷யார் இந்த ஹிபாகுஷா? ஏதாவது பிரத்தியேக இனத்தைச் சேர்ந்தவர்களா? காட்டுவாசிகளா? இந்தப் பேரைக் கேட்கும்போது பலருக்கும் இப்படியான சந்தேகங்கள் ஏற்படலாம். ஆனால் உண்மை அதுவல்ல. அணுகுண்டின் அழிவு சக்தியை மனிதர்கள் முதன் முதலாக, ஜப்பானின் ஹிரோஷிமாவிலும், நாகசாகியிலும்தான் அனுபவித்தார்கள். குண்டுவெடிப்பில் தப்பித்து உயிர் பிழைத்துவிட்டாலும், அதன் பாதிப்பால் ஏற்பட்ட துன்பங்களைத் தாங்கிக் கொண்டு, இன்றும் நிறையப்பேர் ஹிரோஷிமாவிலும், நாகசாகியிலும் வசிக்கிறார்கள். இவர்கள்தான் ஹிபாகுஷா என்று அழைக்கப்படுகிறார்கள்.

கார்த்திக் · கார்த்திக் Wed 15 Sep 2010 - 17:23

÷மிகப் பெரிதான கடல் நீர் அக்வேரியம்தான் ஓஷனேரியம். விதவிதமான மீன்களும் பிற நீர்வாழ் உயிரினங்களும், நீர் நிறைந்த கண்ணாடிப் பெட்டிக்குள் உயிருடன் காட்சிக்கு வைக்கப்பட்டிருக்கும் இடம்தான் அக்வேரியம் (அஇணமஅதஐமங).

÷மிகப் பெரிய கடல் நீர் அக்வேரியம்தான், ஓஷனேரியம் என்று அழைக்கப்படுகிறது. மிகப் பெரிய தொட்டிகளில் கடல் நீரை நேரடியாகப் பம்ப் செய்து ஏற்றுவார்கள். பலவிதமான மீன்கள் அவற்றில் இருக்கும். பார்வையாளர்கள் நன்றாகப் பார்த்து ரசிக்கும் விதத்தில் இது அமைக்கப்பட்டிருக்கும்.

கார்த்திக் · கார்த்திக் Wed 15 Sep 2010 - 17:24

÷மாம்பழம்தான் இந்தியாவின் தேசியப் பழம். வங்கதேசத்தின் தேசியப் பழம் பலாப்பழம். ஆனால். இந்தியாவில் மிக அதிகமாக விளைவிக்கப்படும் பழம், "இயற்கையின் டானிக்' என்று அழைக்கப்படும் வாழைப்பழம்தான். வாழைப்பழம்தான் உலகில் மிக அதிகமாகப் பயன்படுத்தப்படுகிறது.

÷சீனாவில் உலகிலேயே மிக அதிகளவு ஆப்பிள் விளைவிக்கப்படுகிறது. தக்காளி, "ஏழைகளின் ஆப்பிள்' என்று அழைக்கப்படுகிறது. ஆரஞ்சு உற்பத்தியில் முன்னணியில் உள்ள நாடு பிரேசில். திராட்சை, இத்தாலியில்தான் மிக அதிகமாக உற்பத்தி செய்யப்படுகிறது

கார்த்திக் · கார்த்திக் Wed 15 Sep 2010 - 17:24

÷பொதுவாக, டால்பின்கள் கூட்டமாகத்தான் பயணம் செய்யும். சுமார், 20 முதல் 100 வரை அக்கூட்டத்தில் இடம்பெற்றிருக்கும். மிக வேகத்தில் பயணம் செய்யும் இவை, கப்பல்களைப் பின்தொடரும் பழக்கமுள்ளவை. ஒலியலைகள் மூலமாக கருத்துப் பரிமாற்றம் செய்கின்ற டால்பின்கள், ஏதேனும் ஆபத்துகள் ஏற்படும் போதும், உணவு விஷயத்திலும் ஒன்றுக்கொன்று உதவிசெய்து கொள்கின்றன.

÷ஒரு டால்பின் குட்டி பிறந்தவுடன், அம்மா டால்பினுக்குப் பழக்கமான மற்ற டால்பின்கள் அந்தக் குட்டியை ஏற்றுக்கொள்கின்றன. அவை கவனத்துடன் குட்டியை உந்தித் தள்ளி தண்ணீரின் மேல் மட்டத்திற்குக் கொண்டு வருகின்றன. குட்டியின் முதல் சுவாசத்திற்கு உதவி செய்கின்றன. பிராண வாயுவைச் சுவாசிக்கச் செய்யும் சடங்கு முடிந்த பிறகு குட்டி மெதுவாக, அதன் அம்மாவை ஒட்டியபடியே நீந்தத் தொடங்கும். டால்பின் இந்தியாவின் தேசிய நீர் விலங்காகும்.

கார்த்திக் · கார்த்திக் Wed 15 Sep 2010 - 17:25

÷சராசரியாக ஒரு திமிங்கலம் 26 மீட்டர் நீளமுடையதாக இருக்கும். 106 டன் எடை இருக்கும். இந்த எடை, 1600 மனிதர்களின் எடைக்கும், 300 பசுக்களின் எடைக்கும், 22 யானைகளின் எடைக்கும் சமமானது. பத்து ஆப்ரிக்க யானைகள், ஒரு திமிங்கலத்தின் முதுகில் வரிசையாக நிற்க முடியும்.