நடிகர் சல்மானின் குடும்பம் தேசபக்தி உடையது: சிவசேனை

sathyan · sathyan Tue Sep 14, 2010 7:32 pm

நடிகர் சல்மானின் குடும்பம் தேசபக்தி உடையது: சிவசேனை

மும்பை, செப்.14: நடிகர் சல்மான் கானின் குடும்பம் உண்மையில் தேசபக்தி உடையது என்பதால் அவருக்கு எதிராக நீண்டகாலம் கோபப்படுவதில் நியாயமில்லை என சிவசேனைக் கட்சி தெரிவித்துள்ளது.

மும்பை தாக்குதல் தொடர்பாக சல்மான் கான் தெரிவித்த கருத்துகளுக்காக இரு நாட்களுக்கு முன்பு சிவசேனை அவருக்கு கண்டனம் தெரிவித்திருந்தது.

இந்நிலையில் சல்மான் கானின் குடும்பம் தேசிய உணர்வு மிக்கது, நாட்டுப்பற்று மிக்கது என்பதால் அவர் மீது தொடர்ந்து கோபப்படுவதில் நியாயமில்லை என சிவசேனையின் சாம்னா பத்திரிகைத் தலையங்கத்தில் அக்கட்சியின் தலைவர் பால்தாக்கரே தெரிவித்துள்ளார்.

ஷாருக்கானைப் போன்று சல்மான் பிடிவாதக்காரராக இல்லை என தலையங்கத்தில் அவர் குறிப்பிட்டுள்ளார்.

முன்னதாக, பாகிஸ்தானில் இருந்து ஒளிபரப்பாகும் எக்ஸ்பிரஸ் 24/7 தொலைக்காட்சிக்கு சல்மான் கான் அளித்த பேட்டியில், மும்பை தாக்குதலின்போது பணக்காரர்கள் தங்கியிருந்த தாஜ் ஹோட்டல் மீது தாக்குதல் நடத்தப்பட்டதால்தான் அந்த சம்பவம் பெரிதுபடுத்தப்பட்டது என்றும் பயணிகள் ரயில்கள், பொதுமக்கள் கூடும் இடங்களில் முன்னர் தாக்குதல் நடத்தப்பட்டபோது அவை பெரிதாகப் பேசப்படவில்லை என்றும் தெரிவித்திருந்தார். பின்னர் அக்கருத்துக்காக சல்மான் வருத்தம் தெரிவித்தார்.