72 நாள் தாங்கும் பேட்டரியுடன் ஸென் மொபைல்

கார்த்திக் · கார்த்திக் Mon Sep 13, 2010 3:18 pm

தொடர்ந்து இரண்டு ஜி.எஸ்.எம். சிம்களுடன் இயங்கும் மொபைல் போன்களை வழங்கை வரும் ஸென் மொபைல் நிறுவனம், அண்மையில் அனைவரும் அதிசயப்படும் வகையில் ஓர் அம்சத்துடன் தன் எம்25 மொபைல் போன் மாடலை வெளியிட்டுள்ளது. இதில் உள்ள பேட்டரி, பயன்படுத்தாத நிலையில் 72 நாட்கள் வரை தாக்குப் பிடிக்கும் வகையில் 2500 mAh (மில்லி ஆம்பியர் பெர் ஹவர்) ஆக அமைக்கப்பட்டுள்ளது. பேசினால் தொடர்ந்து 16 மணி நேரம் பேசலாம். இதில் வாய்ஸ், டேட்டா மற்றும் பொழுது போக்கு அம்சங்களும் அடக்கம். 1.3 எம்பி திறன் கொண்ட கேமரா, வீடியோ மற்றும் மூவிகளைப் பார்க்க 2.4 அங்குல டி.எப்.டி. திரை, புளுடூத், ரெகார்டிங் வசதியுடன் கூடிய எப்.எம். ரேடியோ, 4 ஜிபி வரை அதிகப்படுத்தக் கூடிய மெமரி என ஒருவர் எதிர்பார்க்கும் அனைத்து வசதிகளும் உள்ளன. இதன் விலை ரூ.3,400 எனக் குறிக்கப்பட்டுள்ளது.

தினமலர்