குளுகுளு ஏசி அறையில் “”தடதட” பீரங்கி பயிற்சி !

கார்த்திக் · கார்த்திக் Mon 13 Sep 2010 - 11:19

காடு, மேடு, மலை, பள்ளம், பாலைவனம் என, இந்திய எல்லைப் பகுதியில், 70 கி.மீ., வேகத்தில், “தடதட’வெனச் சென்று, எதிராளிகளை சுட்டுத் தள்ளும் பீரங்கி பயிற்சி இங்கு அளிக்கப்படுகிறது; எதிராளி கள் யாரும் இல்லாமலேயே, அதுவும், “குளுகுளு ஏசி’ அறையில். அது எப்படி சாத்தியம் என்கிறீர்களா?
ரஷ்யா உள்ளிட்ட வெளிநாடுகளில் இருந்து தான் ஆரம்பத்தில் இந்திய ராணு வத்திற்கு தேவையான பீரங்கிகள் வாங்கப்பட்டன. பின், வெளிநாட்டு தொழில்நுட்ப உதவியுடன் இந்தியாவிலேயே பீரங்கிகள் தயாரிக்கப்பட்டது. தற்போது, முழுக்க, முழுக்க இந்திய தொழில் நுட்பத்தைப் பயன்படுத்தி, பீரங்கிகளை இந்திய பாதுகாப்புத் துறை தயாரித்து வருகிறது. இந்திய ராணுவத்தின் ஏகோபித்த வரவேற்பை யும், நம்பிக்கையையும் பெற்ற அர்ஜூன் பீரங்கிகள் ஆவடி, போர் ஊர்தி ஆராய்ச்சி மற்றும் வளர்ச்சி நிறுவனம் (சி.வி.ஆர்.டி.இ.,) வடிவமைத்துக் கொடுத்தது என்பது தமிழகத் திற்கு கிடைத்த பெருமை. இதற்கு, மத்திய அரசின் 2009ம் ஆண்டிற்கான, “சிலிக்கான் விருது’ கிடைத்துள்ளது குறிப்பிடத்தக்கது. இச்சாதனையைத் தொடர்ந்து, மேலும் ஒரு சரித்திரம் படைத்துள்ளது சி.வி.ஆர்.டி.இ., இந்தியாவிலேயே, ஏன், உலகிலேயே, முதல் முறையாக, “சிமுலேட்டர்’ என்ற, “செயல்பாட்டுடன் கூடிய நகல் சாதன பயிற்சி மையம்!’ தற்போது இங்கு அமைக்கப் பட்டுள்ளது. பீரங்கி இயக்கத்தை நேரடியாக கற்பதை விடுத்து, ஏன் இந்த நகல் பயிற்சி மையம்? இதற்கான, “ஐடியா’ எங்கிருந்து கிடைத்தது? இதனால் என்ன பயன் போன்ற கேள்விகளுக்கு விடையளிக்கிறார், “சிமுலேட்டர்’ புராஜக்ட் குழு மேலாளரான, விஞ்ஞானி செண்பக மூர்த்தி… பீரங்கிகளை இயக்குவதற்கு ராணுவ வீரர்கள் பயிற்சி பெறுவதில் பல்வேறு சிரமங்கள் உள்ளன. எளிதாகவும், விரைவாகவும் பயிற்சி பெற, “சிமுலேட்டர்’ சாதனம் வடிவமைத்து கொடுக்க முடியுமா…’ என, ராணுவத்தினர் எங்களிடம் கேட்டனர். நாங்கள் அதை சவாலாக எடுத்துக் கொண்டு, 1998ம் ஆண்டு முதல் இதற்கான பணியில் இறங்கினோம். அதில் வெற்றி பெற்று, பீரங்கி சுடுபவர்களுக்கான (கன்னர்) “சிமுலேட்டர்’ 2002ம் ஆண்டு செய்து கொடுத்தோம். அதைப் பார்த்து, திருப்தியடைந்து, மேலும் இரண்டு, “சிமுலேட்டர்’ ஆர்டர் கொடுத்தனர். அதுவும், வெளியிடங்களுக்கு எடுத்துச் செல்லும் வகையில் அமைத்துத்தர வேண்டினர். அதையும் சவாலாக எடுத்து, “மினியேச்சர்’ வடிவில், வடிவமைத்து, 2009ல் டெலிவரி செய்தோம். அதன் பின்னர் தான், “சிமுலேட்டர்’ பயிற்சி மையத்தை அமைத்துத்தர ராணுவத்தினர் கேட்டுக் கொண்டனர். விஞ்ஞானி சுவாமிராஜ் தலைமையில் விஞ்ஞானிகள் மற்றும் தொழில்நுட்ப குழுவினர், இரவு, பகலாக செயல்பட்டு, இப்பயிற்சி மையத்தை வெற்றிகரமாக முடித்துள்ளோம் என்றார் செண்பகமூர்த்தி. முழுக்க, முழுக்க குளிரூட்டப்பட்ட அறையில், மூன்று ஓட்டுநர், மூன்று, “கன்னர்’ (சுடுபவர்) என, மொத்தம் ஆறு, “சிமுலேட்டர்கள்’ உள்ளன. தனித்தனியாகவும், ஜோடியாகவும் இவற்றில் பயிற்சி பெற முடியும். இங்கு அளிக்கப்படும் பயற்சியின் முக்கிய அம்சம் தான் இக்கட்டுரையின் ஆரம்பத்தில் சொல்லப்பட்டுள்ளது. மேலும், அதிகாலை, நள்ளிரவு, பனி, மழை, மோசமான வானிலை, வழியில் உள்ள தடைகள், சமநிலையற்ற தரைகளிலும் பீரங்கிகளை ஓட்டும் அனுபவம், இந்த “சிமுலேட்டரில்’ கிடைக்குமாம். பீரங்கியின் மேல்புற மூடியை திறந்து வைத்து, உள்ளேயுள்ள திரையில் தெரியும் காட்சி மூலம், ஓட்டுநர் எவ்வாறு பீரங்கியை இயக்குவது; நீரில் ஓட்டுவது போன்ற பயிற்சியும் கொடுக்கப்படும். இந்த ஆறு, “சிமுலேட்டர்’களும் மின்சார நகரும் சாதனத்தின் மேல் அமைக்கப்பட்டுள்ளதால், உண்மையில் நிகழ்வது போன்ற அசைவுகள் மற்றும் அதிர்வுகளை ஏற்படுத்தி உள்ளிருந்தபடியே பீரங்கி ஓட்டுநர் பயிற்சி பெறுபவர்கள் உணர்ந்து கொள்ள முடியும்.