மார்பகப்புற்றுநோய்-வருமுன் காத்தல்

மார்பகப்புற்றுநோய் (Breast cancer)

வருமுன் காத்தல் (Prevention)



மார்பகப்புற்றுநோயானது ஆரம்பநிலைகளில் எதுவித குணங்குறிகளையும் வெளிக்காட்டுவதில்லை.எனவே அவற்றை ஆரம்பத்திலேயே கண்டுபிடித்தல் மிகவும் முக்கியமானது.இதன் மூலம் தீவிர புற்றுநோய் வருவதை தடுத்துக்கொள்வதுடன் மார்புப்புற்றுநொயிலிருந்து இலகுவில் விடுதலை பெற்றுக்கொள்ளலாம்.இவ்வாறு நொயின் ஆரம்ப நிலையிலே அதனை கண்டுபிடிப்பதனையே Screening என அழைக்கிறோம்.இம்முறை மூலம் பலவிதமான பிரச்சனைகள் மூலம் பலவித பிரச்சனைகளிலிருந்து எம்மைபாதுகாத்துக்கொள்ளலாம்.



மார்பகப்புற்றுநோயை ஆரம்ப நிலைகளிலேயே கண்டுபிடிப்பதற்கான வழிமுறைகள்

1. தமது மார்பகங்களை அவரவரே பரிசோதித்துக்கொள்ளுதல் (Self breast examination)

- 20 வயதிற்கு மேற்பட்ட பெண்கள் யாவருமே மாதமொரு முறை தமது மார்பகங்களை பரிசோதித்து பார்ப்பது அவசியமாகும்.மாதவிடாய் காலங்களில் பரிசோதித்துப் பார்த்தல் சிறந்ததாகும்.

- கண்ணாடியின் முன் நின்று உங்கள் மார்பகங்களை நன்கு அவதானித்துக்கொள்ளுங்கள்,உங்களது இடது கையனால் வலது மார்பகத்தினையும் வலது கையினால் இடது மார்பகத்தினையும் விரல்களினால் நன்றாக அமத்திப்பார்ப்பதன் மூலம் சிறிய கட்டிகளை ஆரம்பத்திலேயே கண்டறிந்து கொள்ளலாம்

- அவ்வாறாக சந்தேகத்திற்கிடமான மாற்றங்களை மார்பகத்தில் அவதானிப்பீர்களாயின் வைத்தியரை உடனடியாக நாடுதல் அவசியமாகும்



2. வைத்தியரின் மூலம் மார்பகங்களை பரிசோதித்தல்

- நீங்கள் 40 வயதிற்கு மேற்பட்டவர்களாக இருந்தால் குறிப்பிட்ட வருட இடைவெளிகளில் உங்கள் குடும்ப வைத்தியர் மூலம் உங்கள் மார்பகங்களை பிசோதித்து பார்ப்பத்துக்கொள்ளல் சிறந்தது.2-3 வருடங்களுக்கொருமுறை இவ்வாறு செய்து கொள்ளுதல் சிறந்ததாகும்.

3. மமோகிரபி (Mammography)

- Mammography எனப்படுவது மார்பகங்களின் மீது செய்யப்படும் விசேட வகை X கதிர் பரிசோதனையாகும்

இதன் மூலம் மார்பக புற்றுநோயானது ஆரம்ப நிலைகளிலேயே கண்டறியலாம்

40 வயதிற்கு மேற்பட்டவர்கள் 3-5 வருடங்களுக்கு ஒரு முறை மார்பகங்களை Mammography பரிசோதனைக்கு உட்படுத்தல் சிறந்ததாகும்.

உங்களின் சந்ததியில் வேறு யாருக்காவது மார்பகப்புற்றுநோய் ஏற்பட்டிருந்தால் அல்லது உங்களிற்கு மார்பகப்புற்றுநோய் ஏற்படுவதற்கான சாத்தியக் கூறு (Risk factors) அதிகரித்து காணப்படுமாயின் வைத்தியர் மூலமாக / Mammography மூலமான பரிசோதனைகளை குறைந்த கால இடைவெளியில் மீண்டும் மீண்டும் செய்தல் அவசியமாகும்.

ஆரோக்கிய தகவல் தளம்.