பிளேபாய்களுக்கு ஆயுசு கம்மி!

First topic message reminder :


"நம்மளையெல்லாம் ஃபிகருங்க பார்த்தாலே படிஞ்சிரும் மச்சி!" ன்னு பீலா விட்டு திரியும் பெண் பித்தர்களான பிளேபாய்களுக்குத்தான் இந்த எச்சரிக்கை!

சதா எந்த நேரமும் பெண்கள் பற்றிய நினைப்பும், அவர்களை கவிழ்ப்பது எப்படி? என்பது குறித்து ஏக சிந்தனையில் ஆழ்ந்து போகும் பிளேபாய்களுக்கு ஆயுள் குறைச்சல் என்று தெரியவந்துள்ளதாம்.

பிளேபாய்கள் என்றால் யார்? சுருக்கமாக பெண் பித்தர்கள் என்று சொல்லிவிடலாம்

இதில் பல ரகத்தினர் உள்ளனர். காதில் கடுக்கன், கருப்பா, செம்பட்டையா என்றே யூகிக்க முடியாத அளவுக்கு பிளீச்சிங் என்ற பெயரில் விநோத சாயம் பூசி, கொத்தி குதறியெடுத்த சிகையலங்கராத்துடன், "பெண்களை கவிழ்க்கிறேன்" பேர் வழி, மன்மத உணர்வு பொங்கி வழிய வளைய வருபவர்கள்.

இதுபோன்ற அபத்தங்கள் எதுவுமே இன்றி, கமுக்கமாக செயல்பட்டு பெண்களை கவிழ்க்கும் வகையறாக்கள்.

இதுமாதிரியெல்லாம் இல்லாமல் பணம், வேலை, பதவி ஆசைகாட்டி அல்லது மிரட்டி பெண்களை அடைபவர்கள் ஒருபுறம் என ரக வாரியாக உள்ளனர்.

இவர்கள் எல்லோருக்குமே நோக்கம் ஒன்றே ஒன்றுதான்; அது எவ்வளவு முடியுமோ அவ்வளவு விதவிதமான பெண்களை கட்டிலில் வீழ்த்துவதுதான்! கூடவே பெண்கள் புடை சூழ வளைய வருவதும், தங்களுக்கு பெண் ஃபிரண்ட்ஸ்கள் அதிகம் என்பது போன்ற இமேஜை நண்பர்கள் மத்தியில் வளர்த்துக் கொள்ளவும் இதுபோன்று செயல்படுவார்கள்.

அதே சமயம் அசரடிக்கிற பெர்சனாலிட்டி மற்றும் கொஞ்சமே கொஞ்சம் போக்கிரித்தனத்துடன் பெண்களை தானாகவே வந்து வட்டமடிக்க வைக்கிற பிளேபாய்களும் உண்டு.

ஆனால் பெண்கள் மத்தியில் இவர்களுக்கு பெயர் ஸ்வீட் ராஸ்கலாம்!

இந்த மாதிரியான ஆண்கள் குறித்துதான், ஆஸ்ட்ரேலியாவின் நியூ சவுத் வேலஸ் பல்கலைக் கழகம் ஆய்வு ஒன்றை மேற்கொண்டு, மேற்கூறிய "ஆயுசு குறைச்சல்" என்ற அதிர்ச்சி வெடியை கொளுத்தி போட்டுள்ளது!

இத்தகைய பிளேபாய்கள் மற்றும் ஸ்வீட் ராஸ்கல்களிடமெல்லாம் காணப்படும் ஒரு பொதுவான குணம் மனம்போன போக்கில் வாழ்வது!

வாழ்க்கை தொடர்பான எத்தகைய நெறிமுறைகளுக்கும் உட்படாமல், புதுப்புது பெண்களை தேடி கண்டபடி திரியும் இவர்களது இந்த குணம்தான் இவர்களது ஆயுளுக்கும் எமனாக அமைந்துவிடுவதாக கூறுகிறார் இந்த ஆய்வை மேற்கொண்ட ஆஸ்ட்ரேலியாவின் பிரபல ஆராய்ச்சியாளர் அலெக்ஸ் ஜோர்டான


கண்டபடி அலைபாய்ந்து திரியும் இத்தகைய போக்கு ஆண்களிடத்தில் பொதுவாக காணப்படாத ஒன்று என்றாலும், பிளேபாய்களின் சாதகம் மற்றும் பாதம் ஆகிய இரண்டுமே இந்த ஒரு குணத்தில் அடங்கிப்போகிறதாம்!

உடல் நலத்தில் அக்கறை கொள்ளாமல், சோறு தண்ணீர் மறந்து இவர்கள் ஏகத்திற்கும் பெண்கள் பின்னால் திரிவதனால், கொஞ்ச நாட்களிலேயே உடல் வளர்ச்சி மற்றும் நலம் ஆகிய இரண்டுமே பாதிக்கப்பட்டு உயிரிழக்க நேருகிறது என்கிறார் ஜோர்டான்.

இத்தகைய நடத்தை பொதுவாகவே எல்லா உயிரினங்களிலும் காணப்படலாம் என்றும் கூறும் அவர், அதற்கு ஆதாரமாக மீனை வைத்து நடத்தப்பட்ட ஆராய்ச்சி முடிவையும் உதாரணம் காட்டுகிறார்.

அதாவது ஒரு குறிப்பிட்ட வகை மீன் இனத்தை சோதனைக்கு உட்படுத்திய ஜோர்டான் மற்றும் அவரது ஆராய்ச்சியாளர்கள் குழு, ஒரு தொட்டியில் போடப்பட்ட ஆண் மீனுக்கு அதற்கு பிடித்தமான உணவுகளை போட்டுள்ளனர்.கூடவே தினமும் புதிது புதிதாக பெண் மீன்களை அதில் விட்டுள்ளனர்.

தினத்திற்கு ஒரு பெண் மீனை பார்த்த ஆண் மீன் ஏக குஷியாகி, உணவையெல்லாம் புறந்தள்ளிவிட்டு, தினமும் வரும் புதுப்புது பெண் மீன்களுடன் காதல் கொள்வதிலேயே அதிக நேரத்தை செலவழித்துள்ளது.

எப்பொழுதாவது மட்டும் உணவு வைக்கப்பட்டிருந்த கிண்ணம் பக்கம் தலையை காட்டிய அந்த மீன், சதா எந்த நேரமும் பெண் மீனை மோகிப்பதிலேயே முழு ஆர்வம் காட்டியது.கூடவே அதன் வளர்ச்சியும் மிக மெதுவாகவே அமைந்து, நோஞ்சான் வளர்ச்சியாகவே - அதாவது குட்டையாக - காணப்பட்டது. காலப்போக்கில் வெகு சீக்கிரமாகவே செத்தும்போனது.

அதே சமயம் மற்றொரு தொட்டியில் போடப்பட்ட ஆண் மீனுக்கு ஒரே ஒரு பெண் மீன் மட்டுமே ஜோடியாக விடப்பட்டது.அந்த மீன் சமர்த்தாக வேளா வேளைக்கு உணவும் உட்கொண்டு, வெகு ஜோராக வளர்ச்சியடைந்து, அத்தொட்டியில் விடப்பட்ட ஒரே பெண் மீனுடனும் நீட நாட்கள் சந்தோஷமாக உயிர் வாழ்ந்ததாம்!

மீனுக்கு நடந்துதான் மனுஷனுக்கும் என்று கூறும் அந்த ஆராய்ச்சியாளர், அலைபாயாத மனதுடன் அடக்கமான வாழ்வதே ஆயுளை அதிகரிக்கும் என்கிறார்!

அட இதைத்தான் நம்மவங்க "ஒருவனுக்கு ஒருத்தி!" என்று எப்பவே சொல்லிட்டுப் போய்ட்டாங்களே...!

ரபீக் wrote:

சிவா wrote:மிகவும் அருமையாகக் கூறியுள்ளீர்கள் கார்த்திக்! ஒருவனுக்கு ஒருத்தி என்று வாழ்ந்தால் வாழ்வில் என்றும் இன்பமயமே!

அப்போ தலை ,நீங்க ரொம்ப ஜாக்கிரதையா இருங்க

நான் ரொம்ம்ம்ம்ம்ம்ப நல்லவன்னு உலகத்துக்கே தெரியும் ரபீக்!

சிவா wrote:

ரபீக் wrote:

சிவா wrote:மிகவும் அருமையாகக் கூறியுள்ளீர்கள் கார்த்திக்! ஒருவனுக்கு ஒருத்தி என்று வாழ்ந்தால் வாழ்வில் என்றும் இன்பமயமே!

அப்போ தலை ,நீங்க ரொம்ப ஜாக்கிரதையா இருங்க

நான் ரொம்ம்ம்ம்ம்ம்ப நல்லவன்னு உலகத்துக்கே தெரியும் ரபீக்!

நாங்களும் அதை ரொம்ப நம்பிட்டோம்

ரபீக் wrote:

நாங்களும் அதை ரொம்ப நம்பிட்டோம்

நம்பனும்,...!!! அதுதான் நல்ல பிள்ளைக்கு அழகு!

சிவா wrote:

ரபீக் wrote:

நாங்களும் அதை ரொம்ப நம்பிட்டோம்

நம்பனும்,...!!! அதுதான் நல்ல பிள்ளைக்கு அழகு!

ஹே ,,,,நானும் நல்லபிள்ளை ,,,,நானும் நல்லபிள்ளை