மக்காவில் புனித லைலதுல் கத்ர் இரவு!!!

masthan · masthan Mon Sep 06, 2010 9:49 am

2010-09-06
மக்காவில் புனித லைலதுல் கத்ர் இரவு

புனித லைலதுல் கத்ர் இரவை புனிதபடுத்த லட்சக்கணக்கான முஸ்லிம்கள் இன்று இரவு புனித மக்காவில் ஒன்று கூடி உம்ரா கடமையையும், தராவீஹ் மற்றும் "க்யாமுள் லைல்" தொழுகையை தொழுது அல்லாஹ்விடம் கண்ணீர் விட்டு அழுது துஆ கேட்டனர்.

பல்வேறு நாடுகளிலிருந்தும் உள்ளூரிளிருந்தும் வந்திருந்த அல்லாஹ்வின் விருந்தினர்களுக்கு எந்த பங்கமும் வந்துவிட்டாமல் இருக்க சவூதி அரசு சிறப்பான பாதுகாப்பு ஏற்பாடுகளை செய்திருந்தது.

சுமார் 4500 காவல் துறையினர் புனித மக்காவில் காவலுக்கு நிறுத்தப்பட்டிருந்தனர்,

சுற்றுப்புற சுகாதார நிறுவனங்கள் சுமார் 10000 பணியாளர்களை நியமித்து புனித மக்காவை சுத்தம் செய்து கொண்டிருந்தனர்.

"பலதியா" எனப்படும் உணவு கட்டுப்பாடு அமைப்பு ஆங்காங்கே உள்ள உணவு விடுதிகளை சரிவர கண்காணித்து வந்தன.
'முசல்லா' எனப்பாடும் தொழுகை விரிப்புகளின் விலை 10 ரியால் முதல் 25 ரியால் வரை விற்கப்பட்டதாக கூறப்படுகிறது, டாக்ஸி நடத்துனர்களுக்கு இன்றைய இரவு கொண்டாட்டம்தான், சுமார் 90 ரியால் வரை, யாத்ரீகர்களை பார்கிங் வரைக்கும் அழைத்து செல்வதற்கே வசூல் செய்ததாக கூறப்படுகிறது.

நமதூர் சகோதரர்கள் ஊரிலிருந்தும், வெவ்வேறு நாடுகளிலிருந்தும் வந்து உம்ரா கடமையை நிறைவேற்றி , மேலும் ரமலானின் கடைசி 10 நாட்களில் புனித மக்கா மற்றும் மதீனாவில் இஃதிகாஃப் இருந்து சிறப்பித்துக்கொண்டிருப்பது குறிப்பிடத்தக்கது.