மற்றொரு பெண்ணுடன் திருமணம் ரகளை செய்து காதலனை தாக்கிய காதலி

திண்டுக்கல்: தன்னை திருமணம் செய்து கொள்வதாக ஆசை வார்த்தை கூறி விட்டு,
வேறு ஒரு பெண்ணை திருமணம் செய்த காதலனின் திருமண நிகழ்ச்சியில் புகுந்து
காதலி தகராறு செய்தார். திண்டுக்கல் என்.ஜி.ஓ., காலனியைச் சேர்ந்த
பொம்முராஜ் மகன் சந்தோஷ்குமார்(30); தனியார் கம்பெனியில் வேலை செய்து
வருகிறார். இவருக்கும், கொசவபட்டியைச் சேர்ந்த ஆரோக்கியம் மகள்
ஆனந்தி(26)க்கும் நேற்று திண்டுக்கல் வளனார் பேராலயத்தில் திருமணம் நடக்க
ஏற்பாடு செய்யப்பட்டிருந்தது. அப்போது, திண்டுக்கல் சவேரியார்பாளையத்தை
சேர்ந்த ரமணி மகள் விஷ்ணுப்பிரியா அங்கு வந்து கூறியதாவது: நான் தனியார்
ஐ.டி.ஐ.,யில் கம்ப்யூட்டர் படிக்கும் போது, அந்த நிறுவனத்தில் ஆசிரியராக
சந்தோஷ்குமார் பணியாற்றினார். அவர் என்னை காதலிப்பதாக கூறினார். நாங்கள்
ஏழு ஆண்டுகளாக காதலித்தோம்.நேற்று முன்தினம் வரை கூட என்னை
காதலிப்பதாகவும், திருமணம் செய்து கொள்வதாகவும் மொபைல் போனில் மெசேஜ்
கொடுத்துள்ளார். தற்போது வேறு ஒரு பெண்ணை திருமணம் செய்ய முடிவு
செய்துள்ளார். எனக்கு பதில் சொல்ல வேண்டும் எனக் கூறி அங்கிருந்த மணமகனின்
சட்டையை பிடித்து இழுத்து தாக்கினார். அங்கிருந்தவர்கள் அவர்களை விலக்கி
விட்டனர். இதையடுத்து நடக்க இருந்த திருமணம் நிறுத்தப்பட்டது. இகுறித்து
கிருஷ்ணப்பிரியா, திண்டுக்கல் நகர் வடக்கு போலீசில் புகார் செய்தார்.
இதற்கிடையில் பேராலயத்திற்கு வெளியே வைத்து, ஆனந்தியின் கழுத்தில்
சந்தோஷ்குமார் திடீரென தாலி கட்டினார். சந்தோஷ்குமார், இன்ஸ்பெக்டர்
முருகனிடம் கூறியதாவது: நான் இந்த பெண்ணை பார்த்ததும் இல்லை. காதலிக்கவும்
இல்லை. நான் காதலித்து இருந்தால் நான் அனுப்பிய கடிதம், மொபைல் போன்
மெசேஜை காட்டச் சொல்லுங்கள் என்றார். இருதரப்பு உறவினர்களும் ஸ்டேஷன்
முன்பு கூடியதால் பதட்டம் ஏற்பட்டது. இன்ஸ்பெக்டர் கூறியதாவது: புகார்
அளித்த பெண்ணிடம், காதலித்ததற்கான எந்தவிதமான ஆதாரமும் இல்லாததால், கோர்ட்
மூலம் தீர்வு காண இருதரப்பினரிடமும் எழுதி வாங்கிக் கொண்டு அனுப்பி
வைத்தோம் என்றார்.

என்ன கொடுமை அய்யா