திருமணம் செய்ய தடுக்கும் தந்தைக்கு எதிராக வழக்கு தொடுக்க 6 மகள்கள் தீர்மானம்

டயானா · டயானா Thu Sep 02, 2010 9:46 am

ரியாத்: திருமணம் செய்யவிடாது தடுத்து வரும் தந்தைக்கு எதிராக 6 சகோதரிகள் வழக்குத் தாக்கல் செய்ய தீர்மானித்துள்ளனர்.
சவுதியைச்
சேர்ந்த இந்த 6 மகள்களையும் அவர்களது தந்தை திருமணம் செய்ய விடாது
தொடர்ந்து தடங்கல் ஏற்படுத்தியுள்ளதாக தெரிவித்து வழமைக்கு மாறான ஒரு
வழக்கைத் தாக்கல் செய்ய இந்த 6 சகோதரிகளும் தீர்மானித்துள்ளனர்.
30
களில் வயதையுடைய இப்பெண்கள் தாம் திருமணம் செய்வதற்கான அதிகாரத்தை
வழங்கவேண்டுமென கோரி சவுதி அரேபிய சட்டத்தரணி ஆணைக்குழுவினரின் தலைவர்
சுல்தான் பின் ஸாகிமுக்கு ஒரு கடிதத்தை அனுப்பியுள்ளனர்.
மேலும்
தமது தந்தை அவருடைய குடும்பத்தில் திருமணப் பேச்சுகளை நடத்ததுவதற்கு
எந்தப் பெண்களும் இல்லை எனக்கூறி அப்பெண்களைத் திருமணம் செய்ய
முன்வருபவர்களை திருப்பி அனுப்புவதாக அப்பெண்கள் குற்றஞ்சாட்டியுள்ளனார்.
அத்துடன்
திருமணம் செய்ய முன்வரும் ஆண்கள் சிறந்த ஒழுக்கம் மற்றும் வளத்துடன்
இருந்த போதிலும் தமது தந்தை அவர்களை ஏற்காமல் மறுத்து விடுகிறார் என
அப்பெண்களால் எழுதப்பட்ட கடிதத்தில் குறிப்பிட்டுள்ளதாக சவுதிய ஒகாஸ்
செய்தித் தாள் தெரிவித்துள்ளது.
இதேவேளை
தமது தந்தை ஏன் அவர்களைத் திருமணம் செய்ய அனுமதிக்கவில்லை என விளக்கமளிக்க
வேண்டுமென’ குறித்த பெண்கள் கோரியுள்ளதாக பின் ஸாகிம் தெரிவித்துள்ளார்.
அத்துடன்
குறித்த பெண்களின் தந்தையின் காரணங்கள் ஏற்றுக்கொள்ள முடியாததாக இருப்பின்
நீதிபதி பெண்கள் தமக்குப் பொருத்தமான ஆண்களைத் தெரிவு செய்து திருமணம்
செய்ய அனுமதிக்கவேண்டுமெனவும் சகோதரிகள் கோரியுள்ளனர்.
அப்பெண்களின்
முறைப்பாடு பெற்றோரை மதிக்காமை எனும் ரீதியில் கருத்திற் கொள்ள
முடியாதிருக்கிறது. ஏனெனில் அவர்கள் தமது தனிப்பட்ட சமூகவாழ்வை
வலியுறுத்துவதற்கான உரிமையைக் கொண்டிருக்கின்றனர் என அதிகாரிகள்
கூறியுள்ளனர்.

திருமணம் செய்ய தடுக்கும் தந்தைக்கு எதிராக வழக்கு தொடுக்க 6 மகள்கள் தீர்மானம்

திருமணம் செய்ய தடுக்கும் தந்தைக்கு எதிராக வழக்கு தொடுக்க 6 மகள்கள் தீர்மானம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக