இப்படிக்கு நம் நட்பு

**மு.வித்யாசன்** · 19/03/2010

ஒவ்வொரு முறையும் நினைவுகளை
பகிர்தலில் தழுவி கொள்ளும் இனிப்பு

நினைவுகளின் அலம்பல்களில்
நிலைத்திருக்கும் சித்திர படைப்பு

புன்னகை காலங்களில்
உரசியிருக்கும் உன்னத உயிர்துடிப்பு

கண்ணீரின் துளிர்ப்புகளில்
துடைத்த தடம் பதிந்திருக்கும் அன்பு

வெறுமை இடம் பிடித்த வேளையில்
வெளிச்சத்தை அளித்திட்ட சிறப்பு

வழி தெரியா பயணத்தில்
விரல் பிடித்து வழி நடத்திய வனப்பு

நிகழ்ந்து முடிந்த கணங்களில்
பழகி மகிழ்ந்த நிமிடங்கள் உயிர்ப்பு

நேற்றும், இன்றும், நாளையும்,
ஒன்றென்று அது எல்லா

இரைக்க இரைக்க
மணல் ஊற்றில் ஊறும்
நீர் போன்றதல்லவா நம் நட்பு !!

இப்படிக்கு

நம் நட்பு .