தமிழைப் பற்றி அறிஞர்கள் என்ன சொல்கிறார்கள்!

**சிவா** · **சிவா** Mon Aug 30, 2010 2:55 pm

2500 ஆண்டாயினும் தமிழ் இலக்கியங்களாகிய சங்க இலக்கியங்களும், தொல்காப்பிய இலக்கணமும், இன்று படித்தாலும் பொருள் புரிகிறது. இது பிற மொழிகளுக்கு இல்லாத சிறப்பாகும்.
வ.ஐ. சுப்பிரமணியம்
(தஞ்சைத் தமிழ்ப் பல்கலைகழகம்)

யாமறிந்த மொழிகளிலே தமிழ்மொழி போல் இனிதாவது எங்கும் காணோம்.
- மாபாவலன் பாரதி

திருக்குறள் மூலத்தையே நேராகப் படித்தல் வேண்டும் என்று யான் தமிழ் பயிலத் தொடங்கினேன்.
- காந்தியடிகள்

செய்யுள் தன்மையில் கிரேக்க மொழியையும் இலக்கியப் பெருமையில் இலத்தின் மொழியையும் வெல்ல வல்லது தமிழ்மொழி.

- அறிஞர் வின்சுலோ

தம் கல்லறையில் மேல் “இங்கே தமிழ் மாணவர் உறங்குகிறார் “ என்று கல்லில் பொறித்து வைக்குமாறு விருப்பு முறி (உயில்) எழுதி வைத்த முனைவர்

ஜி.யு.போப் பாதிரியார்

செந்தமிழே உயிரே நறுந்தேனே
செயலினை மூச்சினை உனக்களித்தேனே
நைந்தாயெனில் நைந்துபோகும் என் வாழ்வு
நன்னிலை உனக்கெனில் எனக்கும் தானே !

- பாவேந்தர் பாரதிதாசனார்

தமிழ் பண்டையது; நலம் சிறந்தது;
உயர் நிலையில் உள்ளது; வடமொழி
உதவியின்றி இயங்கவல்லது.

மொழியறிஞர்
டாக்டர் கால்டுவெல்
Dr.Calwell

கன்னடமும் களிதெலுங்கும்
கவின்மலையாளமும் துளுவும்
உன் உதரத்து உதித்தெழுந்த்தே
ஒன்று பல ஆயிடினும்
ஆரியம்போல் உலக வழக்கொழிந்து
சிதையா உன் சீரிளமை திறம் வியந்து
செயல் மறந்து வாழ்த்துமே !

- பேராசிரியர் மனோன்மணியம் சுந்தரம்பிள்ளை

அன்பு தளபதி · அன்பு தளபதி Mon Aug 30, 2010 2:59 pm

தாய் மொழியாம் தமிழை காப்போம்

புவனா · புவனா Mon Aug 30, 2010 3:03 pm

கனியிடை ஏறிய சுவையும்..
முற்றல் கழயிடை ஏறிய சாரும்..
நனி பசு பொழியும் பாலும்..
தென்னை நல்கிய குளிரில நீரும்..
இனியன என்பேன் எனினும் தமிழை
என்னுயிர் என்பேன் கண்டீர்...
- பாரதிதாசன்..