செலவுக்கு பணம் தராத கணவர் வயிற்றை கிழித்தார் மனைவி

arularjuna · arularjuna Sat Aug 28, 2010 11:12 am

First topic message reminder :

கோவை: பணம் தராத கணவரை சரமாரியாக அடித்து, கம்பியால் வயிற்றை கிழித்த மனைவி மீது, போலீசில் புகார் தரப்பட்டுள்ளது. கோவை ராமு வீதியைச் சேர்ந்தவர் சதீஷ்(35); நகைப்பட்டறை தொழிலாளி. இரண்டு ஆண்டுக்கு முன் திருமணம் நடந்தது. இவரது மனைவி லதா(26). திருமணமானதில் இருந்தே இருவருக்கும் இடையே தகராறு நடந்தது. கணவரிடம் இருந்து பிரிந்த லதா, போலீசில் புகார் செய்தார். போலீசார் விசாரித்து, தினமும் மனைவிக்கு 60 ரூபாய் கொடுத்து விட வேண்டும் என உத்தரவிட்டனர்.

நாள் தவறாமல் மனைவிக்கு பணம் கொடுத்து வந்த நிலையில், சமீபத்தில் விபத்தில் சிக்கினார் சதீஷ். அரசு மருத்துவமனையில் சிகிச்சை பெற்று வந்தவர், சில நாட்களுக்கு முன் வீடு திரும்பி ஓய்வெடுத்து வருகிறார். வேலைக்கு செல்ல இயலாத நிலையில், மனைவிக்கு பணம் தர முடியவில்லை. ஆத்திரமடைந்த மனைவி லதா, கோபத்தில் கணவரை சரமாரியாக தாக்கி, இரும்பு கம்பியால் வயிற்றில் கிழித்தார். இதில் காயமடைந்தவர் மீண்டும் மருத்துவனையில் சிகிச்சை பெற்றார். மனைவியின் சித்ரவதை பற்றி போலீஸ் கமிஷனரிடம் சதீஷ் புகார் கொடுத்துள்ளார்.