சிறைக்குள் கருவறை

கோவை. மு. சரளா · கோவை. மு. சரளா Tue Aug 24, 2010 4:09 pm

நீ எனக்காக கொடுக்கும்
இன்பத்தின் எண்ணிகையை விட
துன்பத்தின் எண்ணிக்கை கட்டுகடன்காதவை

கண்ணீராய் வெளிப்பட்டதில்
கடல் கூட நிரம்பி
நுரையாய் வெளிவருகிறது

செய்த தவறது தான் என்ன
அன்பால் ஆசையால்
உன்னை நிரப்பி - என்
உதிரம் உருக்கி உன்னை
உருவாகியதா ?

உயிரை உனக்காய்
உயிலெழுதி
உலகை காண செய்ததா ?

மூச்சு காற்றுகூட
உன்னை அதிரவைக்க கூடாதென்று
அடக்கி அடக்கி வெளிவிட்டதா ?

வாய்க்கு ருசியா சாப்பிட்டு
உன் வயித்துக்கு ஏதாவது ஆயிடுமே என்று
பத்தியமா பட்டினி கிடந்ததா?

உனக்காக உனக்காக என்று
ஓடி ஓடி உன்னை பார்த்ததில்
எனக்கான சுயம் இழந்து நிற்கிறேனே ?

எதில் தவறினேன் என்று
எனை சிறைவைத்து வதை செய்கிறாய் ?

அமுதமாய் தானடா உன்னை
உருவாக்கினேன் - நீ
விசமாய் உருகுலைந்ததர்க்கு
நான் எப்படி காரணமாவேன் ?