துயரம்..

bhuvi19 · bhuvi19 Tue Aug 24, 2010 9:59 am

First topic message reminder :

தூக்கியெறியப்பட்ட என் கனவுகள்,

தூங்க கூட முடியா துக்கம்,

துவண்டு போன தேகம்,

தேடியலைகிறேன் பாசத்தின் தடத்தை,

தொலைந்துப் போன பாதையிலும்

துரத்தி வரும் துன்பங்கள்..

திண்டாட்டங்களில் தட்டுத்தடுமாறி,

தவிடுப்பொடியான தருணங்கள்,

தீர்வுக்கூட வேண்டாம்,

திருப்பம் கூட இல்லையே..

துரதிர்ஷ்டத்தை தழுவிக் கொண்டு

தடுமாறும் வேளைகள்

துயரம் மட்டுமே துணையென

தூணில் சாயவும் தெம்பின்றி

துணிச்சலாய் சாகவும் தெளிவின்றி

தனிமையில் தவிக்கும் எந்நிலை

தயவுசெய்து வரவேண்டாம்

தரணியிலே யாருக்கும்!!!

--நிலாப்பெண் புவனா,
மைசூர்..

**பிளேடு பக்கிரி** · 01/03/2010

[quote="meerameera"]

bhuvi19 wrote:

துயரென்றால் சாவொன்றா வழி ? அது
துணிவேதும் இல்லார் தம் மொழி
கதவொன்று திறந்திருக்கும் பொறு - அதன்
வழி பார்த்து திடமாக இரு.
மிதமிஞ்சி துயர் பொங்கும் போது - இறை
உடன் வந்து உனைத் தேற்றும் விடு.