“இந்தியர் அனைவரும் என் உடன் பிறந்தவர்”...

**Aathira** · **Aathira** Sat Aug 21, 2010 4:32 am

“இந்தியர் அனைவரும் என் உடன் பிறந்தவர்”...

உடன் பிறந்தவர்
மணம் புரிந்தவர்
ஆகும் விந்தையைக்
கண்டனம் என்று
காமுகன் ஒருவனும்
கொடுமன ஒருத்தியும்
நகைமொழி கூறிட

கலங்கிய
காரிகை கண்களும்
கோவலன் நெஞ்சமும்
காவுந்தி என்ற
சாது மிரண்டதும்
அற்ப மனிதர்கள்
நரிகள் ஆனதும்
கதையில் கேட்டனம்

உடன் பிறந்தவர்
ஒரு மனமானதும்
திருமணம் கொண்டதும்
நேரில் கண்டனம்
நெஞ்சு பதைக்கவே

மண்ணின் யாவையும்
மாற்றும் விந்தையர்
பிரம்மன் செயலையும்
திருத்திச் செய்திட
கருவை இணைத்தனர்
செயற்கை முறையினில்
உயிர்கள் இரண்டு அதில்
உருவம் பெற்றன!

ஒட்டிப் பிறந்த
இரட்டைக் குழந்தையை
வெட்டிப் பிரித்தனர்
பணமெனும் கத்தியால்
பெற்ற பாவியும்
விற்ற பாவியும்

வேற்று மண்ணதில்
நட்ட போத்துக்கள்
துளிர் விட்டன
பரிவ ஆசைகள்
தளிர் விட்டன

ஒன்றாய்ப் பிறந்த
பாசப்பிணைப்பா
இரண்டற கலக்கும்
நேசப்பிணைப்பா
கள்ளப் பெற்றோரின்
கபடம் அறியாது

கண் கலந்தனர்
காதல் கொண்டனர்
சாதல் வரையிலும்
நல்லறம் பேணும்
இல்லறக் குடிலில்
இனிதே புகுந்தனர்

பெற்ற கணக்கிலும்
விற்ற கணக்கிலும்
புதைந்த உண்மைகள்
புரிந்து விட்டன
உடன் பிறப்பென்ற்
பழங் கணக்கதைப்
புரட்டிப் போட்டன

புன்மை தீர்ந்திட
வழக்குத் தொடர்வதா
புதுமைக் கணக்குடன்
வாழ்வு தொடர்வதா

உயிர் எழுத்துக்கள்
ஒன்றாய் ஆனது
தலையெழுத்து
வேறாய்ப் போனது
“இந்தியர் அனைவரும்
என் உடன் பிறந்தவர்”
உறுதி மொழி
உண்மையானது!!!!

(இக்கவிதை
ஒட்டிப்பிறந்த இரட்டைக் குழந்தைகள் காதலித்து திருமணம் புரிந்து
கொண்டுள்ளனர்.. விபரம் அறிந்த பின் என்ன செய்வது என்று அறியாமல்
வழக்குத்தொடர்ந்துள்ளனர் என்று நாளிதழில் படித்த செய்திக்கவிதை)

ஆதிரா..

kalaimoon70 · kalaimoon70 Sat Aug 21, 2010 4:50 am

இந்த கவிதை படித்தவுடன் செய்திகளை கவியாய் படைத்த உங்களை பாராட்டுகிறேன்.
இஸ்லாத்தில் வளர்ப்பு பிள்ளைகள் சொந்த பிள்ளையாய் ஆகமுடியாது என்று ,திருக் குரான் மூலம்,இறைவன் சொல்கிறான்..!காரணம் இதுபோல நிகழாமல் இருக்க தான்.
உங்கள் வளர்ப்பு பிள்ளைகள் சொந்த பிள்ளைகள்
அல்ல .அவர்கள் தந்தை பெயர்சொல்லி இன்னார் மகன்
என்றே அழையுங்கள் (திருக்குரானில் இறைவன் கூறுகிறான்).

**Aathira** · **Aathira** Sat Aug 21, 2010 3:00 pm

kalaimoon70 wrote:இந்த கவிதை படித்தவுடன் செய்திகளை கவியாய் படைத்த உங்களை பாராட்டுகிறேன்.
இஸ்லாத்தில் வளர்ப்பு பிள்ளைகள் சொந்த பிள்ளையாய் ஆகமுடியாது என்று ,திருக் குரான் மூலம்,இறைவன் சொல்கிறான்..!காரணம் இதுபோல நிகழாமல் இருக்க தான்.
உங்கள் வளர்ப்பு பிள்ளைகள் சொந்த பிள்ளைகள்
அல்ல .அவர்கள் தந்தை பெயர்சொல்லி இன்னார் மகன்
என்றே அழையுங்கள் (திருக்குரானில் இறைவன் கூறுகிறான்).

அரிய திருக்குரான் செய்திகளைப் பகிர்ந்தமைக்கு நன்றி கலைநிலா. “இந்தியர் அனைவரும் என் உடன் பிறந்தவர்”... 154550

**பிளேடு பக்கிரி** · 01/03/2010

அன்பு தளபதி · அன்பு தளபதி Sat Aug 21, 2010 3:21 pm

அருமை

இந்த பதிவைத் துவங்கியவர் நன்றி கூறியுள்ளார் அன்பு தளபதி

**Aathira** · **Aathira** Sat Aug 21, 2010 6:25 pm

பிளேடு பக்கிரி wrote:

நன்றி பி.ப. “இந்தியர் அனைவரும் என் உடன் பிறந்தவர்”... 154550

சரவணன் · சரவணன் Sat Aug 21, 2010 7:15 pm

பாராட்ட வார்த்தைகள் இல்லை ஆதலால்.... மகிழ்ச்சி

**Aathira** · **Aathira** Sat Aug 21, 2010 8:14 pm

பிச்ச wrote:பாராட்ட வார்த்தைகள் இல்லை ஆதலால்....

வார்த்தைகளின்றிப் பாராட்டிய மெளனப் பாராட்டுக்கு நன்றி சரண்.. “இந்தியர் அனைவரும் என் உடன் பிறந்தவர்”... 154550

கலைவேந்தன் · கலைவேந்தன் Sun Aug 22, 2010 12:14 am

சிம்ப்ளி....சுபர்ப்...!

**Aathira** · **Aathira** Sun Aug 22, 2010 5:36 am

maniajith007 wrote:அருமை

நன்றி அஜித்... “இந்தியர் அனைவரும் என் உடன் பிறந்தவர்”... 154550

Sponsored content · Sponsored content

“இந்தியர் அனைவரும் என் உடன் பிறந்தவர்”...

“இந்தியர் அனைவரும் என் உடன் பிறந்தவர்”...

Re: “இந்தியர் அனைவரும் என் உடன் பிறந்தவர்”...

Re: “இந்தியர் அனைவரும் என் உடன் பிறந்தவர்”...

Re: “இந்தியர் அனைவரும் என் உடன் பிறந்தவர்”...

Re: “இந்தியர் அனைவரும் என் உடன் பிறந்தவர்”...

Re: “இந்தியர் அனைவரும் என் உடன் பிறந்தவர்”...

Re: “இந்தியர் அனைவரும் என் உடன் பிறந்தவர்”...

Re: “இந்தியர் அனைவரும் என் உடன் பிறந்தவர்”...

Re: “இந்தியர் அனைவரும் என் உடன் பிறந்தவர்”...

Re: “இந்தியர் அனைவரும் என் உடன் பிறந்தவர்”...

Re: “இந்தியர் அனைவரும் என் உடன் பிறந்தவர்”...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக