நட்பு கொள்ள காரணம் தேடாதே தோழி....

மஞ்சுபாஷிணி · மஞ்சுபாஷிணி Sun 22 Aug 2010 - 18:05

நட்பு கொள்ள காரணம் தேடாதே.....

உன் சோகங்கள்
கரைபுரளும் போதெல்லாம்
என் தோள் நீ தேடுவது
எனக்கு தெரியும்

சந்தோஷ சிறகு
நீ விரிக்கும்போதெல்லாம்
அதன் குளுமையில்
என்னை சிறைப்படுத்த
நீ என்னை விரட்டுவது
எனக்கு புரியும்

உன் கோபங்கள்
உன்னை
எரிக்கும்போதெல்லாம்
என்மீது கொட்டி
நீ அழ துடிப்பதும்
எனக்கு தெரியும்....

சந்தோஷத்திலும்
சோகத்திலும்
கோபத்திலும்
மட்டும் என்னை
தேடாதே தோழி

எப்பொழுதும்
நான் உன்னுடனே
உன் நினைவுடனே
நட்பு காரணம்
தேடாது தோழி

நல்லவைகளை
மனம் நோகாமல்
எடுத்துரைக்கவும்
தீயவைகளை
கண்டித்து
செய்யாமலிருக்கவும்
நட்பு தேவையே
தோழி...

நட்பு கொள்ள
காரணம் தேடாதே
அன்பு தோழியே....

jeylakesengg · jeylakesengg Sun 22 Aug 2010 - 18:32

இனையர் இவர்எமக்கு இன்னம்யாம் என்று
புனையினும் புல்லென்னும் நட்பு.
பொருள்
`இவர், எமக்கு இத்தன்மையானவர், யாம் இவர்க்கு இத்தன்மையுடையேம்` என்று புனைந்துரைத்தாலும் நட்புச் சிறப்பிழந்துவிடும். 790

siva1984 · siva1984 Sun 22 Aug 2010 - 18:35

நட்பு கொள்ள
காரணம் தேடாதே
அன்பு தோழியே... மகிழ்ச்சி

**Aathira** · **Aathira** Sun 22 Aug 2010 - 18:38

jeylakesengg wrote:இனையர் இவர்எமக்கு இன்னம்யாம் என்று
புனையினும் புல்லென்னும் நட்பு.
பொருள்
`இவர், எமக்கு இத்தன்மையானவர், யாம் இவர்க்கு இத்தன்மையுடையேம்` என்று புனைந்துரைத்தாலும் நட்புச் சிறப்பிழந்துவிடும். 790