உறைந்து நிற்கிறேன் நான்....

மஞ்சுபாஷிணி · மஞ்சுபாஷிணி Sun Aug 22, 2010 5:53 pm

உறைந்து நிற்கிறேன் நான்.....

உன் மனதில் என்னை நிறைத்து
உள்ளத்து கனவுகளை
உள்ளங்கையில் வைத்து
உள்ளன்போடு தருகிறாய்
உவகையோடு நானும்
உண்பேன் உன் எண்ணங்களை
உள்ளக்கிடக்கோடு
உதிரத்தில் சேர்ந்தாய்
உயிரில் கலந்தே விட்டாய்
உண்மை என்றும்
உரக்கவே சொல்லியும் விட்டாய்
உன்னை காதலிக்கிறேன் என்று
உன்னில் பாதி நான் இனி என்றும்
உணர்வுகள் மரத்து போய்
உறைந்து நிற்கிறேன் இன்னும் நான்....