ஆண் பெண் உடல்கூறு மாறுபாடும் நன்மை தீமைகளும்

**சிவா** · **சிவா** Wed Oct 15, 2008 1:10 am

1. இரும்பு சத்து குறைபாடு உள்ளவரா?

இந்தியப் பெண்களில், 70 சதவீதம் பேர் இரும்பு சத்துக் குறைவால் பாதிக்கப்பட்டுள்ளனர். அதுவும், குழந்தை பருவத்தில் இருந்தே அவர்கள் இந்த குறைபாட்டுடன் உள்ளனர். எனவே, மருத்துவர் ஆலோசனை பெற்று, இரும்பு சத்துள்ள உணவு பொருட்களை உண்ண வேண்டும்.

இரும்பு சத்து, உடலின் அனைத்து திசுக்களுக்கும் ஆக்சிஜனை கொண்டு செல்லும், இரத்தத்தின் சிவப்பு அணுக்களின் அளவை அதிகரிக்கும். இறைச்சி, ஈரல், கோழி, மீன் போன்றவற்றில் இரும்பு சத்து உள்ளது. காலிபிளவர் இலை, வெந்தயக்கீரை, முள்ளங்கி இலை, சோயா, தர்பூசணி, பேரீச்சம் பழம் முதலியவற்றிலும் அதிக அளவில் இரும்பு சத்து உள்ளது.

2. குடிப்பழக்கத்தால் பாதிப்பு யாருக்கு அதிகம்?

குடிப்பழக்கம் உடலுக்கு தீங்கு விளைவிக்கக் கூடியது என்பது, நாம் அனைவரும் அறிந்ததே.பெண்களின் உடல், ஆண்களின் உடலை விட, குறைந்த அளவு நீர்ச்சத்தையும், அதிக கொழுப்பு சத்தையும் கொண்டுள்ளது. எனவே, பெண்கள் ஆல்கஹாலை அருந்தும் போது, விரைவாக கல்லீரலை சென்று அடைகிறது. குடிப்பழக்கம், ஆண் களை விட, பெண்களுக்கே, அதிக அளவில் பாதிப்பை ஏற்படுத்தும்.

3. சிகரெட் பிடிக்கும் பெண்ணா?

இந்திய பெண்கள் 2.5 சதவீதம் பேர் சிகரெட் பிடிக்கின்றனர். சிகரெட் பிடிப்பதால், ஆண்களுக்கு ஏற்படும் பாதிப்பை விட, பெண்களுக்கு ஏற்படும் பாதிப்பு அதிக அளவில் இருக்கும். இதனால், பெண்களின் இரப்பை, கர்ப்பப்பை, நுரையீரல், வயிறு, தொண்டை, தொண்டையின் அடிப்பகுதி ஆகியவை பாதிக்கப்படுகின்றன. கேன்சர் உருவாகவும் வாய்ப்பு அதிகம் உள்ளது. கர்ப்பமாக இருக்கும் பெண்கள் சிகரெட் பிடித்தால், கருச்சிதைவு ஏற்படவும் வாய்ப்புள்ளது.

**சிவா** · **சிவா** Wed Oct 15, 2008 1:11 am

4. பெண்களுக்கு ஆஸ்பிரின் நல்லதா?

சில மாத்திரைகள் ஆண்கள் உடலிலும், பெண்கள் உடலிலும் வெவ்வேறான எதிர்செயலை காட்டுகிறது. உயர் ரத்த அழுத்தத்திற்காக உட்கொள்ளப்படும் சில மருந்துகள், சில ஆன்டி-பயாடிக் மருந்துகள், பெண்களுக்கு அதிக விளைவை காட்டுகிறது. உதாரணமாக, 35 வயதுடைய ஆண்கள் தினமும் ஆஸ்பிரின் எடுத்துக் கொண்டால், இதய கோளாறு (ஹார்ட்- அட்டாக்) ஏற்பட வாய்ப்பு அதிகம். ஆனால், 65 வயது மற்றும் அதற்கு மேல் உள்ள பெண்கள் உண்டால், அவர்களுக்கு ஹார்ட் அட்டாக் வரும் வாய்ப்பு குறையும். இதய நோய் அறிகுறிகள், ஆண்களுக்கு உள்ளதைப் போலவே சில பெண்களுக்கும் இருக்கும்.

5. சிறிய பட்டை "பிரா' அணியலாமா?

மிக இறுக்கமாக, சிறிய பட்டை உடைய "பிரா' அணிவதை தவிருங்கள். இவ்வாறு அணியும் போது, அது, தோள் பட்டையை அழுத்தி, கழுத்து நரம்புகளை பாதித்து, தொடர்ச்சியான தலைவலியில் கொண்டு போய் விட்டு விடும்.

6. பாக்டீரியாக்கள் நல்லதா?

பாக்டீரியாக்கள் என்றாலே அது தீமையை விளைவிக்கும் என்றே நாம் கருதுகிறோம். ஆனால், சில பாக்டீரியாக்கள் பெண்களுக்கு நன்மையை செய்கின்றன. ஆம். பெண்களின் கருப்பை வாயில், பாக்டீரியா, பூஞ்சை மற்றும் வைரஸ்கள் உள்ளன. இவை, கர்ப்பப் பையிலுள்ள தேவையற்ற கழிவுகளை சுத்தமாக வைத்திருக்க உதவுகின்றன.

**சிவா** · **சிவா** Wed Oct 15, 2008 1:11 am

7. ஹை-ஹீல்ஸ் அணிபவரா?

குதிகால் அதிக உயரமான, கூர்மையான செருப்பு அணிவதை தவிருங்கள். இப்படிப்பட்ட செருப்பை அணிந்தால், கால் வீக்கம், புண் ஆகியவை உண்டாகும். கால் வலியை ஏற் படுத்துவதுடன், உங்கள் உடல் அமைப்பை, தோரணையை மாற்றிவிடும். இவற்றை அணிந்து நடக்கும் போது, தண்டுவடத்திற்கு அதிக அழுத்தம் ஏற்படுகிறது. இதனால் முதுகுவலி ஏற்படும் அபாயம் உள்ளது.

8. தூக்கம் வராமல் கஷ்டப்படுகிறீர்களா?

மாதவிடாயின் போது தூக்கம் வராமல் கவலைப்படுபவரா? பயப்பட வேண்டாம். மாதவிடாயின் போது, ஈஸ்ட்ரோஜென், ப்ராஜெஸ்ட்ரோன் ஆகிய ஹார்மோன்களின் அளவு குறைவதால் தூக்கம் சரியாக வராது. 50 சதவீத பெண்கள், இரண்டு, மூன்று நாட்கள் சரியாக தூக்கம் வராமல், துன்பப்படுகின்றனர்.

9. எலும்புகளில் கவனம் செலுத்துபவரா?

பெண்கள் தங்கள் எலும்புகளில் அதிக கவனம் செலுத்த வேண்டும். 80 சதவீத பெண் களுக்கு, "ஆஸ்டியோபோரோசிஸ்' உள்ளது. மெனோபாசிற்கு பிறகு பெண்களின் எலும்புகள் 20 சதவீதம் வலுவிழக்கின்றன. எனவே, அதற்கு முன் இருந்தே எலும்புகளில் கவனம் செலுத்த வேண்டும். தினமும் 1 கிராம் கால்சியம் சத்துள்ள உணவை உண்ண வேண்டும்.

10. அகலக்கால் வைத்து நடப்பவரா?

நேராக, நீண்ட இடைவெளி விட்டு, அகலக் கால் வைத்து நடக்கும் பெண்களுக்கு இடுப்பெலும்பில் பிரச்னை வரும். பெண்களின் இடுப்பெலும்பு அதிக வேலைகளை செய்கிறது. பித்தப்பை எடை, கர்ப்ப காலத்திலும், குழந்தை பிறக்கும் போதும், உடலின் மற்ற எந்த பாகத்தையும் விட, இடுப்பெலும்பின் மீது தான் அதிக அழுத்தம் உள்ளது. எனவே, அகலக்கால் வைத்து நடப்பதை தவிருங்கள்.

Sponsored content · Sponsored content

ஆண் பெண் உடல்கூறு மாறுபாடும் நன்மை தீமைகளும்

ஆண் பெண் உடல்கூறு மாறுபாடும் நன்மை தீமைகளும்

Re: ஆண் பெண் உடல்கூறு மாறுபாடும் நன்மை தீமைகளும்

Re: ஆண் பெண் உடல்கூறு மாறுபாடும் நன்மை தீமைகளும்

Re: ஆண் பெண் உடல்கூறு மாறுபாடும் நன்மை தீமைகளும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக