4 வயது மகனை கொன்று தாயும் தற்கொலை: கணவன் கைது

நவீன் · நவீன் Sat Aug 21, 2010 8:51 am

தண்டையார்பேட்டை : கணவருடன் ஏற்பட்ட தகராறில், மனமுடைந்த மனைவி, நான்கு
வயது மகனை தூக்கிட்டு, தானும் தற்கொலை செய்து கொண்டார். இதையடுத்து
போலீசார், கணவனை கைது செய்தனர்.தண்டையார்பேட்டை, பிள்ளையார்கோவில் தெருவை
சேர்ந்தவர் போஸ் (31). தனியார் மருந்து நிறுவன ஊழியர். இவரது மனைவி
ரேவதி(27). இவர்களுக்கு ஐந்தாண்டுகளுக்கு முன் திருமணம் ஆனது. மகன்
சுந்தர்விஜயன்(4). குறைந்த வருமானம் காரணமாக, போஸ் வெளிநாட்டில் வேலைக்கு
செல்ல முயற்சித்தார். அதற்காக மாமனாரிடம் பணம் வாங்கினார். மேலும் ஒரு
லட்ச ரூபாய் தேவைப்பட்டது.இந்நிலையில் பணப்பிரச்னையால் கடந்த 15ம் தேதி
கணவன், மனைவிக்கு இடையே தகராறு ஏற்பட்டது. இதனால் ஆத்திரமடைந்த போஸ்
மனைவியை திட்டிவிட்டு, பணத்திற்காக தனது சொந்த ஊரான அருப்புக்கோட்டைக்கு
சென்றார். இதனால் மனமுடைந்த ரேவதி, நைலான் புடவையால், மகன் சுந்தர் விஜயனை
மின் விசிறியில் தூக்கிட்டு மறுமுனையில் அவர் தூக்கிட்டு தற்கொலை செய்து
கொண்டார்.தகவல் அறிந்த வண்ணாரப்பேட்டை உதவிக்கமிஷனர் குமார்,
தண்டையார்பேட்டை இன்ஸ்பெக்டர் ரமேஷ்பாபு மற்றும் போலீசார் சம்பவ
இடத்திற்கு சென்றனர். உடல்களை கைப்பற்றி பிரேத பரிசோதனைக்காக ஸ்டான்லி
அரசு மருத்துவமனைக்கு அனுப்பினர். இது குறித்து, போலீசார் மற்றும்
ஆர்.டி.ஓ., விசாரணை மேற்கொள்ளப்பட்டது.மனைவியை தற்கொலைக்கு தூண்டியதால்,
மகனின் சாவுக்கும் காரணமான போஸை, தண்டையார்பேட்டை போலீசார் கைது செய்தனர்.