ரூ.34 ஆயிரம் கோடி கல்விக்கடன் மத்திய அரசு தகவல்

நவீன் · நவீன் Sat Aug 21, 2010 8:36 am

புதுடில்லி: "கல்விக்கடன் வழங்குவதற்கு காப்புத் தொகை நிர்ணயிப்பது
குறித்து எந்த முடிவும் எடுக்கவில்லை; நடப்பு நிதியாண்டில் 34 ஆயிரம் கோடி
ரூபாய் கல்விக்கடன் வழங்கப்பட்டுள்ளது' என, மத்திய அரசு தெரிவித்துள்ளது.
இதுதொடர்பாக, மத்திய நிதித்துறை இணையமைச்சர் நமோ நாராயண் மீனா,
உறுப்பினர்களின்
கேள்விக்கு நேற்று லோக்சபாவில் எழுத்து மூலம்
பதிலளித்தார். அதில் அவர் கூறியிருப்பதாவது: மாணவர்களுக்கு வழங்கப்படும்
கல்விக்கடனுக்கு காப்புத்தொகை நிர்ணயிப்பது தொடர்பாக அரசு இதுவரை எந்த
முடிவும் எடுக்கவில்லை.அதுபோன்ற எண்ணம் அரசுக்கு இல்லை. நடப்பு
நிதியாண்டில் 18.51 லட்சம் பேருக்கு 34,192 கோடி ரூபாய் கல்விக்கடனாக
வழங்கப்பட்டுள்ளது. இது, கடந்த 2008-09ம் நிதியாண்டில் 27,646 கோடி
ரூபாயாக இருந்தது. மேலும், பொருளாதார ரீதியில் பின்தங்கிய பகுதிகளைச்
சேர்ந்த தொழிற்கல்வி பயிலும் மாணவர்களுக்கு, கல்விக்கடன் வட்டியில் சலுகை
அளிப்பது குறித்து மத்திய மனிதவள மேம்பாட்டு அமைச்சகம், வங்கிகளுக்கு
கடந்த மே மாதம் சுற்றறிக்கை அனுப்பியுள்ளது. இத்திட்டத்தின்படி,பொருளாதார
ரீதியில் பின்தங்கிய பகுதிகளைச் சேர்ந்த, ஆண்டுக்கு 4.50 லட்சம் வருமான
வரம்புக்கு கீழ் உள்ள குடும்பங்களைச் சேர்ந்த மாணவர்களுக்கு
கல்விக்கடனுக்கு வட்டி கட்டுவதிலிருந்து முழுவதும் விலக்கு அளிக்கப்படும்.
இந்த சலுகை, தற்போது கல்வி பயின்று வரும் மாணவர்களுக்கு மட்டும்
பொருந்தும். இந்த வட்டிக்கான தொகை முழுவதையும் மத்திய அரசு ஏற்கும்.
இவ்வாறு நமோ நாராயண் மீனா தெரிவித்துள்ளார்.

ரூ.34 ஆயிரம் கோடி கல்விக்கடன் மத்திய அரசு தகவல்

ரூ.34 ஆயிரம் கோடி கல்விக்கடன் மத்திய அரசு தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக