திருப்பதி தேவஸ்தான போர்டு பதவிக் காலம் முடிகிறது புதிய நிர்வாகிகள் தேர்வு இல்லை

நவீன் · நவீன் Sat Aug 21, 2010 8:36 am

நகரி: திருப்பதி தேவஸ்தான போர்டின் பதவிக்காலம் இம்மாதம் 24ம் தேதியுடன்
முடிவடைகிறது. போர்டின் சேர்மனாக இருமுறை பதவி வகித்த ஆதிகேசவலு
நாயுடுவின் பதவியும் முடிவுக்கு வருகிறது. தேவஸ்தான நிர்வாகத்திற்கு புதிய
போர்டை உருவாக்க முதல்வர் ரோசய்யா உடனடியாக ஒப்புதல் தரமாட்டார் என,
தெரிகிறது. இதனை அடுத்து போர்டின் அறங்காவலர் குழு நியமனம் வரை அரசு
அதிகாரிகளே தேவஸ்தான நிர்வாக பொறுப்பை கவனித்து வருவர். இதற்கான முடிவை
மாநில அமைச்சரவை கூட்டம் கடந்த 19ம் தேதி தீர்மானித்தது. திருப்பதி
தேவஸ்தான நிர்வாக பொறுப்பை கவனிக்க மாநில தலைமை செயலர் எஸ்.வி.பிரசாத்
ராவ் தலைமையில் சிறப்பு ஆணையக்குழு ஏற்படுத்தப்படுகிறது. இக்குழுவின்
செயலராக தற்போதைய தேவஸ்தான நிர்வாக அதிகாரி கிருஷ்ணா ராவும், மாநில
அறநிலையத் துறை முதன்மை செயலர் ரமணாச்சாரி உறுப்பினராகவும் பதவி வகிப்பர்.
வரும் 25ம் தேதி முதல் திருப்பதி தேவஸ்தான நிர்வாகப் பொறுப்பை மேற்கண்ட
அதிகாரிகள் குழு முறைப்படி ஏற்றுக்கொள்ளும். அடுத்த அறங்காவலர் குழு
நியமனம் வரை இவர்களது மேற்பார்வையில் தேவஸ்தான நிர்வாகம் செயல்படும்.
தற்போது தேவஸ்தான போர்டு சேர்மனாக ஆதிகேசவலு நாயுடு பதவி வகித்து
வருகிறார். இவர் இரண்டாவது முறையாக பதவி ஏற்றபின் ஆர்ஜித சேவா டிக்கெட்
ஊழல் உட்பட பல விதமான ஊழல் புகார்கள் கூறப்பட்டுள்ளன. அதனால், தொழிலதிபரான
ஆதிகேசவலு நாயுடுவை மூன்றாவது முறையாக போர்டு சேர்மனாக நியமிக்க முதல்வர்
ரோசய்யா சம்மதிக்கமாட்டார் என, அரசியல் வட்டாரத்தில் பரவலாக பேசப்படுகிறது.

திருப்பதி தேவஸ்தான போர்டு பதவிக் காலம் முடிகிறது புதிய நிர்வாகிகள் தேர்வு இல்லை

திருப்பதி தேவஸ்தான போர்டு பதவிக் காலம் முடிகிறது புதிய நிர்வாகிகள் தேர்வு இல்லை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக