17 ஆயிரம் சதுர அடி பரப்பளவில் 15 டன் பூக்களை கொண்டு பூக்களம்

நவீன் · நவீன் Sat Aug 21, 2010 8:34 am

கோழிக்கோடு: உலக சமாதானத்தை வலியுறுத்தி, கோழிக்கோட்டில் இன்று 15 டன்
வண்ண வண்ணப் பூக்களை கொண்டு மூன்று மணி நேரத்தில் பூக்களம்
அமைக்கப்படுகிறது. கேரள மாநிலம் கோழிக்கோடு சுவப்ன நகரியில் இன்று காலை 10
மணிக்கு, பூக்களம் அமைத்தல் நிகழ்ச்சி துவங்கும். இதில் 17 ஆயிரத்து 622
சதுர அடி பரப்பில் 15 டன் வண்ண வண்ணப் பூக்களை கொண்டு மூன்று மணி
நேரத்தில் இப்பூக்களம் அமைக்க திட்டமிடப்பட்டுள்ளது. நிகழ்ச்சியில்
பல்வேறு முக்கிய பிரமுகர்கள் முன்னிலையில், கலைஞர்களின் எண்ணங்களின்
பிரதிபலிப்பாக இப்பூக்களம் அமையும். கின்னஸ் உலக சாதனை நடத்த உள்ள
இந்நிகழ்ச்சியை, கின்னஸ் சாதனை பிரதிநிதிகள் இன்று அங்கு நேரில்
பார்வையிடுவர். இதுபோன்று ஏற்கனவே நடத்தப்பட்ட சாதனை 11 ஆயிரம் சதுர
அடியில் தான் அமைக்கப்பட்டது. தற்போது அதை விட ஆறாயிரத்திற்கும் மேற்பட்ட
சதுர அடி பரப்பில் பூக்களம் மிக பெரியதாக அமைக்கப்படுகிறது என்பது
குறிப்பிடத்தக்கது. தோவாளையில் இருந்து கொண்டு வரப்படும் சாமந்தி,
வாடாமல்லி, டாலியா போன்ற பல்வேறு வகை அழகிய வண்ணப் பூக்கள் இதில் இடம் பெற
உள்ளன. இதில் பங்கேற்க 72 குழுக்களைச் சேர்ந்தவர்கள் வந்துள்ளனர். இதில்,
சமாதானத்தை வலியுறுத்தும் வகையில் வெண்புறாக்கள் டிசைனில் இடம் பெறும்.
பொதுமக்கள் பரஸ்பரம் கைகோர்த்துக் கொண்டு சமாதானம், அமைதியை வலியுறுத்தும்
வகையிலும் இவ்வடிவத்தில் பூக்களால் அமைக்கப்படும்.

17 ஆயிரம் சதுர அடி பரப்பளவில் 15 டன் பூக்களை கொண்டு பூக்களம்

17 ஆயிரம் சதுர அடி பரப்பளவில் 15 டன் பூக்களை கொண்டு பூக்களம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக