கட்டிப்பிடிக்க...முத்தம் கொடுக்க தடை!

புதுடில்லி : காமன்வெல்த் போட்டிக்காக இந்தியா வரும் வெளிநாட்டு
சுற்றுலா பயணிகளுக்கு நன்னடத்தை விதிமுறைகள் அறிவிக்கப்பட்டுள்ளன. பொது
இடங்களில் கட்டிப்பிடிக்க, முத்தம் கொடுக்க, குட்டை பாவாடை போன்ற சின்ன
உடைகள் அணிய வேண்டாம் என கேட்டுக் கொள்ளப்பட்டுள்ளனர். மதம் தொடர்பான
விஷயங்கள் பற்றி பேசவே வேண்டாம் என எச்சரிக்கப்பட்டுள்ளனர்.
டில்லியில் வரும் அக்., 3 முதல் 14ம் தேதி வரை காமன்வெல்த் விளையாட்டு
போட்டி நடக்க உள்ளது. இந்த சமயத்தில் ஏராளமான வெளிநாட்டினர் இந்தியாவுக்கு
சுற்றுலாப் பயணமாக வரலாம். இவர்கள் பின்பற்றப்பட வேண்டிய நன்னடத்தை
விதிமுறைகள் பற்றி காமன் வெல்த் போட்டிக்கான "வெப்சைட்டில்' தகவல்கள்
கொடுக்கப்பட்டுள்ளன.
இதில் இடம் பெற்றுள்ள சில முக்கியதகவல்கள்:
* மேற்கத்திய நாடுகளில் பெண்களை பார்க்கும் போது அவர்களது
கன்னத்தில் லேசாக முத்தமிட்டு வாழ்த்து சொல்வது வழக்கம். இது இந்தியாவில்
கூடவே கூடாது. பெண்களை பார்த்தால் கை எடுத்து வணக்கம் சொல்லுங்கள்.
அவர்கள் முதலில் கை நீட்டினால் மட்டும் கை கொடுங்கள்.
* அன்பை வெளிப்படுத்தும் விதமாக பொது இடங்களில் கட்டிப்பிடிப்பது, முத்தம் கொடுப்பது போன்றவற்றை கட்டாயம் தவிர்த்து விடுங்கள்.
* உடை விஷயங்களில் அதிக அக்கறை எடுத்துக் கொள்ளுங்கள். குட்டை
பாவாடை போன்றவற்றை அணிய வேண்டாம். கோயில்களுக்கு செல்லும் போது முழு
டிரவுசர், முழு நீள "ஸ்கர்ட்' அணிந்து செல்லுங்கள். சீக்கிய வழிபாட்டு
தலத்துக்கு செல்லும் போது தோள்பட்டை மூடியிருக்கும்படியான உடை அணிய
வேண்டும். தலையும் மறைத்திருக்க வேண்டும்.
* விருந்தினராக வீடுகளுக்கு செல்லும் போது, அங்குள்ள
குழந்தைகளுக்கு ஏதாவது இனிப்பு வாங்கிச் செல்லவும். காலணிகளை கழற்றி
விட்டு உள்ளே செல்லவும்.
* கையால் சாப்பிடுவது தான் இந்திய "ஸ்டைல்'. அதில் இடது கையை பயன்படுத்தி சாப்பிடுவது மிகவும் தவறு.
* இந்தியாவில் பொது கழிப்பறையில் வசதிகள் மிகவும் குறைவு. இதனை
கருத்தில் கொண்டு சுத்தம் செய்ய எப்போதும் "டிஷ்யு பேப்பர்'
வைத்திருக்கவும்.
* இந்திய மக்களுடன் அரசியல் பற்றிசகஜமாக விவாதிக்கலாம். ஆனால்
மதம் தொடர்பான விஷயங்களை மட்டும் தவிர்த்து விடவும். இது போன்ற "டிப்ஸ்'
வெளிநாட்டுபயணிகளுக்கு பயன் அளிக்கும் என போட்டி அமைப்பாளர்கள் நம்பிக்கை
தெரிவித்துள்ளனர்.

முதலில் இந்திய சினிமாவில் இந்தக் கலாச்சாரத்தைக் கடைபிடிக்க ஆலோசனை வழங்குங்கள்! அதைப் பார்த்து வெளிநாட்டினர் இந்தியாவிற்கு சென்றால் இப்படித்தான் செல்ல வேண்டும் என்பதை அறிந்து கொள்வார்கள்! கேவலமான காட்சிகளுடன் இந்திய சினிமா உலகை வலம் வரும்பொழுது அவர்களும் இதுதான் இந்தியக் கலாச்சாரம் என தவறாக பொருள் கொள்கின்றனர்!

சிவா wrote:முதலில் இந்திய சினிமாவில் இந்தக் கலாச்சாரத்தைக் கடைபிடிக்க ஆலோசனை வழங்குங்கள்! அதைப் பார்த்து வெளிநாட்டினர் இந்தியாவிற்கு சென்றால் இப்படித்தான் செல்ல வேண்டும் என்பதை அறிந்து கொள்வார்கள்! கேவலமான காட்சிகளுடன் இந்திய சினிமா உலகை வலம் வரும்பொழுது அவர்களும் இதுதான் இந்தியக் கலாச்சாரம் என தவறாக பொருள் கொள்கின்றனர்!