போலி "மலேரியா கிட்' விற்பனை: மருத்துவ வட்டாரத்தில் அடுத்த பூதம்

நவீன் · நவீன் Sat Aug 21, 2010 8:28 am

சென்னை:
போலி மருந்து விவகாரத்திற்கு அடுத்ததாக, மலேரியா நோயை கண்டுபிடிக்கும்
"கிட்'டில் போலி தயாரிப்பு பயன்பாட்டில் உள்ள விவகாரம் புதிய பூதமாக
கிளம்பியுள்ளது. காலாவதி மற்றும் போலி உணவுப் பொருட்கள், போலி மதிப்பெண்
பட்டியல் கொடுத்த விவகாரம் வெளிவந்தது. அதில் குற்றவாளிகள்
கண்டுபிடிக்கப்பட்டு நடவடிக்கை எடுக்கப்பட்ட நிலையில், தற்போது நோயை
கண்டறியும் மருத்துவ சோதனை "கிட்'களே போலியாக தயாரிக்கப்பட்டு விற்பனை
செய்யப்படும் விவகாரம் மருத்துவ வட்டாரத்தில் புகையத் துவங்கியுள்ளது.
சென்னை சூளைமேட்டை சேர்ந்த மருத்துவ பரிசோதனை பொருட்கள் தயாரிக்கும்
நிறுவனம்,
"புளூரக்ஸ்' என்ற பெயரில் "மலேரியா டெஸ்டிங் கிட்' ஒன்றை
தயாரித்து வெளியிட்டுள்ளது. கடந்த இரண்டாண்டுகளுக்கும் மேலாக
புழக்கத்தில் இருக்கும் இந்த மருத்துவ சோதனை "கிட்' போலியானது என்றும்,
உள்ளூரில் தயாரிக்கப்படுவதாகவும் தற்போது புகார் எழுந்துள்ளது. இந்திய
மருத்துவ சங்கத்தின், பாரா மெடிக்கல் பிரிவின் தமிழ்நாடு கிளை தலைவரான
டாக்டர் அன்பரசு கூறியதாவது: போலியான "மலேரியா டெஸ்டிங் கிட்'
புழக்கத்தில் உள்ளதாக கடந்த இரண்டு மாதங்களுக்கு முன்பு எங்களுக்கு
புகார்கள் வந்தன. இந்த "கிட்'டை நானே வாங்கி சோதித்ததில் மாறுதலான
முடிவுகள் தெரிந்தன. இவை, சூளைமேட்டில் உள்ள ஒரு நிறுவனத்தில் இருந்து
வினியோகிக்கப்படுவதை அறிந்து கொண்டோம். மேலும், அந்த "கிட்'
டென்மார்க்கில் இருந்து இறக்குமதி செய்யப்படுவதாக கூறப்பட்டுள்ளது.
சாதாரணமாக "மலேரியா டெஸ்டிங் கிட்' மூலம் 100லிருந்து 200 பேருக்கு
பரிசோதனை செய்யலாம். வெளிச்சந்தையில் 10 ஆயிரம் ரூபாய்க்கு மேல்
விற்கப்படும் இந்த "கிட்'டை இந்த நிறுவனம் 7,500 ரூபாய்க்கு விற்பனை
செய்துள்ளது. இதனால், சந்தேகம் ஏற்பட்டு தான் சோதனை செய்தோம். தொடர்ந்து,
மத்திய மருந்து தர கட்டுப்பாட்டு நிறுவனத்தில் கடந்த இரண்டு மாதங்களுக்கு
முன்பே புகார் கொடுக்கப்பட்டது. ஆனால், நடவடிக்கை ஏதும் எடுக்கப்படவில்லை.
தொடர்ந்து, டில்லியில் உள்ள அந்த நிறுவனத்தின் தலைமைக்கு புகார்
அனுப்பப்பட்டது. தற்போது, சி.பி.சி.ஐ.டி., போலீசிற்கு தகவல்
தெரிவிக்கப்பட்டுள்ளது. போலியான "கிட்' மூலம் மருத்துவ பரிசோதனைகள்
மேற்கொள்ளப்படும் போது மாறுதலான முடிவுகள் வந்தால், உண்மையாகவே மலேரியா
பாதித்தவர்களுக்கு வேறு சிகிச்சை அளிக்கப்படலாம். அல்லது பாதிப்பு
இல்லாதவர்களுக்கு மலேரியாவிற்கான மருந்துகள் கொடுக்கப்படலாம். இதனால் வேறு
பாதிப்புகள் உண்டாகலாம். இவ்வாறு டாக்டர் தெரிவித்தார். இதுகுறித்து,
சி.பி.சி.ஐ. டி., உயர் அதிகாரி ஒருவர் கூறும் போது, "" போலி மலேரியா கிட்
குறித்து எங்களுக்கு தகவல் வந்துள்ளது. நாங்கள் இதுகுறித்து ஆய்வு செய்து
வருகிறோம்,'' என்றார்.

போலி "மலேரியா கிட்' விற்பனை: மருத்துவ வட்டாரத்தில் அடுத்த பூதம்

போலி "மலேரியா கிட்' விற்பனை: மருத்துவ வட்டாரத்தில் அடுத்த பூதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக