விநாயகர் சிலை தயாரிப்பு பணி தீவிரம்

கிருஷ்ணகிரி: விநாயகர் சதுர்த்தியை முன்னிட்டு கிருஷ்ணகிரி பழையபேட்டையில்
விநாயகர் சிலைகள் செய்யும் பணி தீவிரமாக நடந்து வருகிறது. இப்பணிக்கு
புதுச்சேரியை சேர்ந்த 100க்கும் மேற்பட்ட தொழிலாளர்கள்
ஈடுபட்டுள்ளனர்.விநாயகர் சதுர்த்தி விற்பனையை குறிவைத்து கிருஷ்ணகிரி
பழையபேட்டை திருநீலகண்டர் தெருவை சேர்ந்த பலர் விநாயகர் சிலையை செய்யும்
பணியில் மும்முரமாக ஈடுபட்டுள்ளனர்.இங்கு அரை அடி முதல் 10 அடி வரை
உயரமுள்ள விநாயகர் சிலைகள் செய்யப்பட்டு தமிழகத்தின் பிற மாவட்டங்களுக்கும்
ஆந்திரா மற்றும் கர்நாடகா மாநிலத்துக்கு ஏற்றுமதி செய்யப்படுகிறது.சுற்று
சூழல் மாசுபடுவதை தடுக்க களி மண் மற்றும் கிழங்கு மாவு, பேப்பர் மாவு
ஆகியவற்றால் ஆன சிலைகள் தற்போது கிருஷ்ணகிரியில் செய்யப்படுகிறது.இவ்வாறு
செய்யப்படும் விநாயர் சிலைகளின் பாகங்களை செய்யும் தொழிலில் புதுச்சேரியை
சேர்ந்த நூற்றுக்கும் மேற்பட்ட தொழிலாளகர்ள் கிருஷ்ணகிரியில் முகாமிட்டு
செய்து வருகின்றனர்.கிருஷ்ணகிரி பழையபேட்டையில் விநாயகர் சிலைகளை செய்வோர்
இவர்களிடம் சிலைகளின் பாகங்களை செய்ய ஆர்டர் கொடுக்கின்றனர். இவர்கள்
கிழங்கு மாவு மற்றும் பேப்பர் மாவு மூலம் சிலைகளின் பாகங்களை அச்சுவார்த்து
கொடுக்கின்றனர்.இவர்கள் செய்து கொடுக்கும் சிலைகளின் பாகங்களை ஒன்றினைத்து
பழையபேட்டையில் உள்ளவர்கள் விநாயகர் சிலைகளை செய்து வருகிறார்கள்.

இவ்வாறு செய்யப்படும் சிலைகளுக்கு வர்ணம் பூசி மொத்த வியாபாரிகளுக்கு
விற்பனை செய்கின்றனர்.பெட்ரோல் டீஸல் விலையேற்றம் மற்றும் மூல பொருட்களின்
விலை ஏற்றதால் சிலைகளின் பாகங்களின் விலையும் அதிகரித்துள்ளதால் கடந்த
ஆண்டை காட்டிலும் இந்த ஆண்டு விநாயகர் சிலைகளின் விலையும் அதிகரிக்கும்
வாய்ப்பு ஏற்பட்டுள்ளது.இது குறித்து விநாயகர் சிலையின் பாகங்களை செய்ய
கிருஷ்ணகிரியில் முகாமிட்டுள்ள புதுச்சேரியை சேர்ந்த சேகர்
கூறியது:விநாயகர் சதுர்த்தி விற்பனைக்காக கிருஷ்ணகிரியில் அதிக அளவு
சிலைகள் செய்யப்படுகிறது. விநாயகர் சிலைகளை செய்து விற்பனை செய்யும்
கிருஷ்ணகிரி பழையபேட்டையை சேர்ந்தவர்களுக்கு புதுச்சேரியில் இருந்து
சிலைகளின் பாகங்களை அச்சுவார்த்து கொடுத்து வந்தோம்.தற்போது போக்குவரத்து
சிலவு அதிகமாவதால் சிலையின் பாகங்களை செய்யும் மூல பொருட்களை பெங்களூருவில்
இருந்து வாங்கி வந்து கிருஷ்ணகிரியில் வைத்து சிலைகளின் பாகங்களை செய்து
வருகிறோம். சிலையின் பாகங்கள் 150 ரூபாய் முதல் 1,500 ரூபாய் வரையில்
விற்பனை செய்கிறோம்.கடந்த ஆண்டு ஒரு கிலோ கிழங்கு மாவு 15 ரூபாய்க்கு
விற்பனை செய்யப்பட்டது இந்த ஆண்டு 32 ரூபாய்க்கு விற்பனையாகிறது. மேலும்
பெட்ரோல் டீஸல் விலையேற்றதால் போக்குவரத்து செலவும் அதிகமாவதால் சிலைகளின்
பாகங்களை அதிக விலைக்கு விற்க வேண்டிய கட்டாயத்தில் நாங்கள் உள்ளோம்.
இவ்வாறு அவர் கூறினார்.

சிலை இலவசமா தரமாட்டாங்களா ???