நல்லை கந்தனின் திருவிழா கொடியேற்றத்துடன் இன்று ஆரம்பம்

kirupairajah · kirupairajah Tue Jul 28, 2009 7:37 am

வரலாற்று புகழ் மிக்க நல்லுர் கந்தசுவாமி கோவில் திருவிழா இன்று காலை 10.00 மணிக்கு கொடியேற்றத்துடன் ஆரம்பமாகியது.இந்நிகழ்வில் யாழ்குடாநாட்டின் பல பாகங்களிலும் இருந்து அடியார்கள் காலை முதல் வருகை தந்து கொடியேற்றத்தில் கலந்துகொண்டனர்.

பல நூற்றுக்கணக்கான அடியர்கள் அங்கப்பிரதட்சணம் செய்ததுடன் பெண்கள் அடியடிக்கும் நிகழ்வும் இடம்பெற்றது. அலய சுற்றாடலில் பொலிஸ் ,இராணுவத்தினருடைய நடமாட்டம் காணப்படதுடன் ஆலய மேற்கு வீதியில் யாழ்ப்பாணம் பொலிஸாரின் தற்காலிக பொலிஸ் நிலையம் அமைக்கப்பட்டுள்ளது.

ஆலய வீதியில் இலங்கை செஞ்சிலுவை சங்கம் சென் ஜோன்ஸ் அன்பியுலன்ஸ் தொண்டர்கள் கடமையாற்றினர்.வீதிகளில் பொலிஸார், மற்றும் மாநகர சபை ஊழியர்களும் கடமையில் ஈடுபட்டுள்ளனர்.

ஆலய சுற்றாடலில் உள்ள மடங்களான நல்லை ஆதீனம், துர்கையம்மன் ஆலய மடம் என்பவற்றில் அன்னதான நிகழ்வுகளும் இடம்பெற்றன. ஆலய மேற்குவீதியில் வழமை போன்று இம்முறையும் கடலைக் கடைகள், பழக் கடைகள் மற்றும் மணிக்கடைகள் என நூற்றுக்கும் மேற்பட்ட வர்த்தக நிலையங்களும் அமைக்கப்பட்டுள்ளன.

நல்லை கந்தனின் திருவிழா கொடியேற்றத்துடன் இன்று ஆரம்பம் Web1