பைக் ஓட்டும் பள்ளி மாணவர்களுக்கு எச்சரிக்கை : வாகனம் பறிமுதலாவதோடு குற்ற வழக்கும் பதிவு

கோவை
: மோட்டார் வாகன லைசென்ஸ் இல்லாமல் மோட்டார்பைக்குகளை பள்ளி மாணவர்கள்
இயக்குவதால் தொடர் விபத்துகளில் சிக்கி உயிரிழப்பு சம்பவங்கள் தொடர்கிறது.

கோவை மாநகராட்சியின் கட்டுப்பாட்டில் 45 ஆரம்பபள்ளிகளும், 12
நடுநிலைப்பள்ளிகளும் 24 மேல்நிலைப்பள்ளிகளும் உள்ளன. கோவை நகர் மற்றும்
புறநகர் பகுதிகளில் 180 அரசு உதவிபெறும் பள்ளிகளும், 436 மெட்ரிக்
பள்ளிகளும், 112 அரசு பள்ளிகளும் செயல்படுகிறது. இதில் பல ஆயிரக்கணக்கான
மாணவர்கள் படிக்கின்றனர். பள்ளியில் படிக்கும் மாணவர்களுக்கு அரசு இலவச
சைக்கிள்களை கொடுத்தாலும் அதை வாங்கி அப்படியே விற்பனை செய்துவிட்டு,
பைக், ஸ்கூட்டர் என வாகனங்களை பயன்படுத்துகின்றனர்.
வீட்டிலிருந்து புறப்படும் பள்ளி மாணவர்கள், வழியில் இருக்கும்
தங்கள் நண்பர்கள் ஒவ்வொருவராக பொறுக்கி எடுத்துக்கொண்டு, மொத்தமாக நான்கு
பேர் அல்லது மூன்று பேர் ஒரே பைக்கில் தொங்கிக்கொண்டு செல்கின்றனர்.
மோட்டார்வாகன லைசென்ஸ் இல்லாத நிலையில் இதுபோன்ற அளவுக்கு அதிகமாக
ஆட்களை பைக்கில் ஏற்றிசெல்வதால், எதிர்பாரத விபத்து ஏற்பட்டு அதிக அளவில்
உயிரிழப்புகள் ஏற்படுகிறது. இதை தடுக்கும் பணியில் பள்ளி நிர்வாகமோ,
போக்குவரத்து துறையோ, போலீசாரோ ஈடுபடுவதில்லை. பள்ளிச்சீருடை அணிந்து
கொண்டு பைக் அல்லது ஸ்கூட்டரில் செல்லும் மாணவ, மாணவியரை பிடிப்பதோடு,
பெற்றோரை அழைத்து வரச்சொல்லி அதிகாரிகள் எச்சரிக்கை செய்ய வேண்டும்.
மோட்டார்வாகன சட்டத்துக்கு புறம்பாக மாணவர்கள் வாகனத்தை
இயக்கியதால் வாகனத்தை பறிமுதல் செய்யவேண்டும். பொதுமக்களுக்கு இடையூறு
ஏற்படுத்தியதற்காக குற்ற வழக்கும் பதிவு செய்யவேண்டும்.
கோவை நகரில் அவிநாசிரோடு, கலெக்டர் அலுவலகம் அருகில், திருச்சிரோடு
உள்ளிட்ட பகுதிகளில் செயல்படும் பள்ளிகளில் மாணவியர் ஏராளமானோர்
ஸ்கூட்டிபெப், ஹோண்டாஆக்டிவா, பிளஷர்,சுசுகி அக்ஷர் போன்ற வாகனங்களில்
பள்ளிக்கு வருகின்றனர்.
மாணவர்கள் சுசுகி, பல்சர். யுனிகார்ன்,யமாஹா போன்ற பைக்குகளில்
வருகின்றனர். பள்ளி வளாகத்திலேயே பார்க் செய்கின்றனர். பள்ளிநிர்வாகம் இதை
பெருமையாக எடுத்துக் கொண்டு, கண்டிக்காமல் விட்டுவிடுகிறது. இதனால்
ஏராளமான விபத்துகளும், உயிரிழப்புகளும் ஏற்பட்டுள்ளது.
இது குறித்து கோவை சரக போக்குவரத்து துறை துணை கமிஷனர் உதயணனிடம்
கேட்டபோது: மோட்டார் வாகனச்சட்டப்படி 18 வயது பூர்த்தியடைந்தவர்களே
மோட்டார் வாகன லைசென்ஸ் பெறுவதற்கு தகுதிபடைத்தவர்கள். அதற்கு குறைவாக 16
வயது நிரம்பிய மாணவர்களின் பெற் றோர்கள் லைசென்ஸ் பெற்றவர்களாக இருந்தால்,
வாகனத்தின்பின் பகுதியில் அமர்ந்து வழிகாட்டினால் அதன் பேரில் வாகனத்தை
மாணவர்கள் இயக்கலாம். அந்த வாகனம் 50 சி.சி., திறனுக்கு குறைவாக இருக்க
வேண்டும். சொந்த வாகனமாக இருப்பது அவசியம்.
ஆனால் அது போன்று 50 சி.சிக்கு குறைவாக தற்போது மொபெட்டுகள்
தயாரிப்பதில்லை. அதனால் அச்சட்டத்தின் படி வாகனத்தை யாரும் இயக்க
முடியாது. அதனால் 18 வயதுக்கு குறைந்தவர்கள் யாரும் பைக், ஸ்கூட்டர் போன்ற
வாகனங்களை இயக்ககூடாது. மீறி இயக்கினால் அந்த வாகனம் பறிமுதல்
செய்யப்பட்டு வாகனத்தின் தகுதிஉரிமம் ரத்து செய்யப்படுவதோடு, வாகனத்தை
ஓட்டிச்சென்றவர் மீது குற்றவியல் வழக்கு தொடரப்பட்டு நீதிமன்ற தண்டனைக்கு
பரிந்துரை செய்யப் படும். இவ்வாறு உதயணன் கூறினார்.
பள்ளி மாணவர்களுக்கு மட்டும் தான் இந்த எச்சரிக்கை
அல்ல;கல்லூரியில் முதலாமாண்டு சேரும் மாணவர்களுக்கும் 18 வயது
நிறைவடைந்திருக்காது. எனவே, கல்லூரி மாணவர்களும் 18 வயது துவங்கியுடன்
மோட்டார் வாகன லைசென்ஸ் எடுத்து அதன் பின்பே பைக், ஸ்கூட்டர் போன்ற
வாகனங்களை பயன்படுத்த வேண்டும். "மோட்டார் வாகன சட்டத்திற்கு புறம்பாக
செயல்படுபவர்கள் யாராக இருந்தாலும் அவர்கள் மீது நடவடிக்கை எடுப்போம்' என
எச்சரித்துள்ளது போக்குவரத்து துறை

பைக் இல்லையே

எங்க ஸ்கூல் பக்கம்தான் தினமும் நடந்தே போய்டுவேன்

maniajith007 wrote:எங்க ஸ்கூல் பக்கம்தான் தினமும் நடந்தே போய்டுவேன்

இதுக்கு தான் நான் ஸ்கூல் பக்கமே போறது இல்ல

பிளேடு wrote:

maniajith007 wrote:எங்க ஸ்கூல் பக்கம்தான் தினமும் நடந்தே போய்டுவேன்

இதுக்கு தான் நான் ஸ்கூல் பக்கமே போறது இல்ல

நாங்க மட்டும் என்ன படிக்கவா போறோம் போற புள்ளைகளுக்கு ஒரு பாதுகாப்பு