யானைகள் அட்டகாசம்: போக்குவரத்து நிறுத்தம்

நவீன் · நவீன் Thu Aug 19, 2010 1:13 pm

வேலூர்: வாணியம்பாடி அருகே யானைகள் கூட்டம் அட்டகாசத்தால், பஸ்
போக்குவரத்து முற்றிலும் நிறுத்தப்பட்டது.வேலூர் மாவட்டம் வாணியம்பாடி
அடுத்த ஜமுனாமரத்தூரில் இருந்து நேற்று முன் தினம் (ஆக.,16) மாலை 6
மணிக்கு அரசு பஸ் வந்து கொண்டிருந்தது. காவலூர் அருகே கழுதை காட்டு கணவாய்
அருகே குட்டி யானை ஒன்று சாலையை கடக்க முயன்ற போது பஸ் டிரைவர்
ராஜேந்திரன் ஹாரனை அடித்தார்.இதனால், பயந்து போன குட்டி யானை அருகில்
இருந்த பள்ளத்தில் விழுந்து பயங்கரமாக அலறியது. குட்டி யானை அலறல் சத்தத்தைக் கேட்ட ஒன்பது யானைகள் கொண்ட
கூட்டம் அங்கு விரைந்து பஸ்சை சுற்றி வளைத்துக் கொண்டது.இதனால்,
பஸ்சுக்குள் இருந்த 50 பயணிகள் திகைத்தனர். அப்போது காவலூரில் இருந்து
ஜமுனாமரத்தூருக்கு பைக்கில் வந்த வாலிபர் கணேசன் இதைப் பார்த்து ஹாரன்
அடித்த போது பயந்து போன யானைகள் கூட்டம் பஸ் முன் பக்க கண்ணாடியை
உடைத்தது.பின்னர் டிரைவர் ராஜேந்திரன் வேகமாக பஸ்சை பின்னோக்கி எடுத்தார்.
அப்போது அந்த வழியாக வந்த மேலும் சிலர் பட்டாசுக்களை கொளுத்தி
யானைகள் மீது வீசியதால் யானைகள் காட்டுக்குள் ஓடி விட்டது.அந்த பஸ் இரவு
11 மணிக்கு வாணியம்பாடிக்கு வந்து சேர்ந்தது. ஆத்திரமடைந்த யானைகள்
கூட்டம் நாயக்கனூர் மந்தார குட்டை கிராமங்களையொட்டி உள்ள விவசாய
நிலத்துக்குள் புகுந்து பயிர்களை நாசம் செய்தது. இதனால் 10 ஏக்கரில் பயிர்
செய்யப்பட்டிருந்த நெல் நாசமடைந்தது.நேற்றும் (ஆக.,17) யானைகள் கூட்டம்
பகலில் ஜமுனாமரத்தூர், காவலூர், ஆலங்காயம் பகுதிகளுக்குள் நடமாடத்
துவங்கியதால் அப்பகுதி மக்கள் பீதி அடைந்தனர். பஸ் போக்குவரத்து
நிறுத்தப்பட்டது.

தமிழ் · தமிழ் Thu Aug 19, 2010 1:17 pm

யானைகளை ஒன்றும் செய்து விடாதீர்கள் அவைகள் பாவம். மக்கள் தான் கவனமா இருக்கணும்

யானைகள் அட்டகாசம்: போக்குவரத்து நிறுத்தம்

யானைகள் அட்டகாசம்: போக்குவரத்து நிறுத்தம்

Re: யானைகள் அட்டகாசம்: போக்குவரத்து நிறுத்தம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக