திண்டாடும் இலவச வேட்டி, சேலை உற்பத்தி திட்டம் குறித்த காலத்தில் முடிவது சந்தேகம்

நவீன் · நவீன் Thu Aug 19, 2010 12:27 pm

கோவை: மாநில அரசின் இலவச வேட்டி, சேலை திட்டத்துக்கு நூல் சப்ளை
இல்லாமல் உற்பத்தி ஸ்தம்பித்து உள்ளது. கிடப்பில் போடப்பட்ட பணிகளால்
திட்டமிட்டபடி உற்பத்தி செய்து முடிக்க முடியுமா என்பது சந்தேகமாக உள்ளது.
மாநில அரசு ஆண்டுதோறும் பொங்கல் பண்டிகையின் போது, இலவச வேட்டி, சேலை
வழங்கி வருகிறது. இதற்காக நடப்பாண்டில் 1.86 கோடி ரூபாய் எண்ணிக்கையிலான
வேட்டி மற்றும் அதே அளவிலான சேலையும் உற்பத்தி செய்யப்படுகிறது. இதற்கான
உற்பத்தி குறியீடுகள் கோ-ஆப்டெக்ஸ் நிறுவனம் மூலம் மாநிலம் முழுவதுமுள்ள
விசைத்தறி நெசவாளர் கூட்டுறவு சங்கங்களுக்கு வழங்கப்பட்டுள்ளது. கோவை,
திருப்பூர் மாவட்டங்களில் உள்ள 24 கூட்டுறவு சங்கங்களுக்கு, சங்க
உறுப்பினர் எண்ணிக்கை அடிப்படையில் உற்பத்தி குறியீடு வழங்கப்பட்டுள்ளது.
ஏறத்தாழ 18 லட்சம் வேட்டி மற்றும் 20 லட்சம் சேலைகளுக்கு உற்பத்தி இலக்கு
இந்த சங்கங்களுக்கு நிர்ணயிக்கப்பட்டுள்ளது. உற்பத்திக் குறியீடுகள்
வழங்கியது முதல், நூல் சப்ளைக்கான டெண்டர், பாவு உற்பத்திக்கு சைசிங்
மில்களுக்கு டெண்டர் என பல தரப்பில் ஏற்பட்ட சிக்கல்களால் இந்த உற்பத்தி
அனைத்தும் மிகவும் மந்தமாக உள்ளது. முக்கியமாக சேலை உற்பத்திக்கு நூல்
சப்ளை டெண்டரில் விலை நிர்ணயத்தில் ஏற்பட்ட குளறுபடி, சைசிங் மில்களுக்கு
உற்பத்தி ஆர்டர் வழங்குதல் போன்றவற்றில் பெரும் சிக்கல்கள் ஏற்பட்டு, அவை
மேலிடம் வரை சென்று, தற்காலிகமாக அவற்றில் சமரசம் மற்றும் தீர்வு
ஏற்படுத்தப்பட்டுள்ளது. சேலை உற்பத்தி பிரச்னை இந்த வகையில் இருக்கும்
நிலையில், வேட்டி உற்பத்திக்கான நூல் சப்ளைக்கு இதுவரை டெண்டர் முடிவு
செய்யப்படாமல் உள்ளது. இந்த நிலை தொடர்ந்து நீடித்தால் டிசம்பர் மாத இறுதி
என்னும் கால அவகாசத்துக்குள் இந்த உற்பத்தி இலக்கை எட்டுவது சந்தேகம் தான்
என, இந்த உற்பத்தியில் ஈடுபட்டுள்ள விசைத்தறியாளர்கள் தெரிவிக்கின்றனர்.

அன்பு தளபதி · அன்பு தளபதி Thu Aug 19, 2010 12:29 pm

எல்லா அரசு ஊழியர்களுக்கும் சீருடையாக கைத்தறி துணிகளை வாங்கி அணியவேண்டும் என சட்டம் கொண்டுவாருங்கள் முதலில்

நவீன் · நவீன் Thu Aug 19, 2010 12:31 pm

maniajith007 wrote:எல்லா அரசு ஊழியர்களுக்கும் சீருடையாக கைத்தறி துணிகளை வாங்கி அணியவேண்டும் என சட்டம் கொண்டுவாருங்கள் முதலில்

திண்டாடும் இலவச வேட்டி, சேலை உற்பத்தி திட்டம் குறித்த காலத்தில் முடிவது சந்தேகம் 453187

Sponsored content · Sponsored content

திண்டாடும் இலவச வேட்டி, சேலை உற்பத்தி திட்டம் குறித்த காலத்தில் முடிவது சந்தேகம்

திண்டாடும் இலவச வேட்டி, சேலை உற்பத்தி திட்டம் குறித்த காலத்தில் முடிவது சந்தேகம்

Re: திண்டாடும் இலவச வேட்டி, சேலை உற்பத்தி திட்டம் குறித்த காலத்தில் முடிவது சந்தேகம்

Re: திண்டாடும் இலவச வேட்டி, சேலை உற்பத்தி திட்டம் குறித்த காலத்தில் முடிவது சந்தேகம்

Re: திண்டாடும் இலவச வேட்டி, சேலை உற்பத்தி திட்டம் குறித்த காலத்தில் முடிவது சந்தேகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக