போலி அமெரிக்க டாலரை காட்டி பணம் மோசடி செய்தவர் கைது

நவீன் · நவீன் Thu Aug 19, 2010 9:05 am

விழுப்புரம்: கள்ளக்குறிச்சி அருகே போலி அமெரிக்க டாலரை காட்டி பண
மோசடி செய்த வாலிபரை, போலீசார் கைது செய்து சிறையில் அடைத்தனர்.
விழுப்புரம் மாவட்டம் கள்ளக்குறிச்சி மலைவாழ் மக்கள் உண்டு உறைவிடப்
பள்ளியின் தலைமையாசிரியர் எஸ்தர்ராணி(46). இவரிடம் கள்ளக்குறிச்சி
கருணாபுரம் புதிய காலனியைச் சேர்ந்த சக்கரவர்த்தி(34), தன்னிடம் 10 லட்சம்
அமெரிக்க டாலர் உள்ளதாகவும், ஒரு லட்சம் ரூபாய் பணம் கொடுத்தால் டாலரை
தருவதாகவும் கூறியுள்ளார். மேலும், தங்க நிறத்திலான முக்கோணம் மற்றும்
செவ்வக வடிவில் அமெரிக்க டாலர் குறியீடு அச்சடித்த இரண்டு வில்லைகள்
மற்றும் ஒரு மில்லியன் டாலர் நோட்டு (ஜெராக்ஸ்) ஒன்றையும்
காண்பித்துள்ளார். இதை உண்மை என்று நம்பி எஸ்தர்ராணி முன்பணமாக 25 ஆயிரம்
ரூபாய் கொடுத்தார். இந்நிலையில், அமெரிக்க டாலரை தருமாறு கேட்டபோது,
தன்னிடம் இருந்த டாலர்களை கோவை மற்றும் கேரளா பகுதியில் மாற்றிவிட்டதாக
சக்கரவர்த்தி தெரிவித்தார். இது குறித்து எஸ்தர்ராணி விழுப்புரம் எஸ்.பி.,
பகலவனிடம் நேற்று முன்தினம் புகார் கொடுத்தார். அதன் பேரில், மாவட்ட
குற்றப்பிரிவு இன்ஸ்பெக்டர் கிருஷ்ணமூர்த்தி வழக்கு பதிந்து விசாரணை
மேற்கொண்டார். சக்கரவர்த்தியை கைது செய்தார். அவரிடமிருந்து ஒரு
கம்ப்யூட்டர், போலி அமெரிக்க டாலர் நோட்டு மற்றும் தங்க நிறத்திலான இரு
வில்லைகளையும் பறிமுதல் செய்தனர். பின், சக்கரவர்த்தியை கள்ளக்குறிச்சி
கோர்ட்டில் ஆஜர்படுத்தி, சிறையில் அடைத்தனர்.

தமிழ் · தமிழ் Thu Aug 19, 2010 9:46 am

சூப்பர் .......... என்ன கொடுமை சார் இது

போலி அமெரிக்க டாலரை காட்டி பணம் மோசடி செய்தவர் கைது

போலி அமெரிக்க டாலரை காட்டி பணம் மோசடி செய்தவர் கைது

Re: போலி அமெரிக்க டாலரை காட்டி பணம் மோசடி செய்தவர் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக