மகளிர் சுய உதவி குழு பணம் 17 லட்சம் ரூபாய் கையாடல்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

மகளிர் சுய உதவி குழு பணம் 17 லட்சம் ரூபாய் கையாடல்

#371139

நவீன்
வி.ஐ.பி: பதிவுகள் : 4665
இணைந்தது : 29/05/2009

Post நவீன் Thu Aug 19, 2010 8:58 am

ஈரோடு: மகளிர் சுய உதவிக் குழுவிடம் வசூல் செய்த பணத்தை, வங்கியில்
செலுத்தாமல் கையாடல் செய்த, தொண்டு நிறுவன செயலரை குற்றப்பிரிவு போலீசார்
கைது செய்து, சிறையில் அடைத்தனர். சேலம் மாவட்டம் சங்ககிரியைச் சேர்ந்தவர்
ஞானசிவம்(60). சங்ககிரி டீச்சர்ஸ் காலனியில், "மாவட்ட கிராம சமூக
நலச்சங்கம்' என்ற தொண்டு நிறுவனத்தை இவர், 15 ஆண்டுகளாக நடத்தி வருகிறார்.
தொண்டு நிறுவன செயலராக இவரும், துணைத் தலைவராக இவரது மகன்
விஷ்ணுக்குமாரும், பொருளாளராக மனைவி வெங்கடேஸ்வரியும் உள்ளனர். தொண்டு
நிறுவனம் சார்பில், மகளிர் சுய உதவிக்குழு உறுப்பினர்களுக்கு தொழில்
செய்ய, வங்கி கடன் பெற்று தருவது வழக்கம். 2006ம் ஆண்டு, ஈரோடு, பவானி,
குமாரபாளையம், அம்மாபேட்டை, சங்ககிரியைச் சேர்ந்த 20 மகளிர் சுய
உதவிக்குழு உறுப்பினர்களுக்கு, ஈரோடு எச்.டி.எப்.சி., வங்கி மூலம், ஆறு
கோடி ரூபாய் கடன் பெற்று கொடுத்தனர். கடன் பெற்ற மகளிர் குழு
உறுப்பினர்கள், தொண்டு நிறுவனத்தில் கடன் தொகையை செலுத்தி, ரசீது
பெற்றனர். ஆனால், ஓராண்டாக வங்கிக்கு பணம் வந்து சேரவில்லை. மகளிர்
குழுவிடமிருந்து வசூலித்த 17 லட்சம் ரூபாயை, வங்கியில் செலுத்தும்படி பல
முறை கேட்டும், தொண்டு நிறுவனம் இழுத்தடித்தது. ஈரோடு மாவட்ட
குற்றப்பிரிவு போலீசாரிடம், எச்.டி.எப்.சி., வங்கி கிளை மேனேஜர் பரமசிவம்
(36) மற்றும் 10 சுய உதவிக்குழு உறுப்பினர்கள் புகார் அளித்தனர். தொண்டு
நிறுவன செயலர் ஞானசிவத்தை கைது செய்து சிறையில் அடைக்கப்பட்ட நிலையில்,
மற்றவர்களை குற்றப்பிரிவு போலீசார் தேடி வருகின்றனர்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1