விஷம் குடித்து மருமகன் தற்கொலை கிணற்றில் குதித்து மாமியார் தற்கொலை முயற்சி

வீரவநல்லூர்:

வீரவநல்லூர் அருகே "கள்ளக்காதல்' பிரச்னையால் மாமியாருடன்
விஷம் குடித்த மருமகன் இறந்தார். மனமுடைந்த மாமியார் கிணற்றில் குதித்து
தற்கொலை செய்துகொள்ள முயன்றார். திருக்குறுங்குடி அருகேயுள்ள ராஜாபுதூரை
சேர்ந்தவர் கிட்டு. இவர் மனைவி தமிழரசி(45). இவர்களின் மகள் செல்விக்கும்,
வள்ளியூர் அருகேயுள்ள சித்தூரை சேர்ந்த சமுத்திரம் மகன் முருகனுக்கும்(25)
கடந்த 9 மாதங்களுக்கு முன் திருமணம் நடந்தது. முருகன் செங்கல் சூளையில்
வேலை பார்த்தார். திருமணத்திற்கு பின் முருகன் மாமனார் ஊரில்
குடியேறினார். மாமனார் வீட்டுக்கு அருகே மற்றொரு வீட்டில் வசித்துவந்தார்.
இந்நிலையில் முருகனுக்கும், மாமியார் தமிழரசிக்கும் இடையே "கள்ளக்காதல்'
ஏற்பட்டது. வீரவநல்லூர் அருகேயுள்ள வல்லத்துநம்பிக்குளத்தில் முருகனின்
சித்தப்பா சுடலைமுத்து வசித்துவருகிறார். ஊரில் அம்மன் கோயில் கொடை
விழாவிற்கு வரும்படி சுடலைமுத்து முருகனுக்கு அழைப்பு விடுத்தார். முருகன்
தன் மாமியார் தமிழரசியுடன் கொடை விழாவிற்கு சென்றார். இதை உறவினர்கள்
கிண்டலடித்து பேசியுள்ளனர். நேற்று ஊரில் உள்ள குளக்கரைக்கு மாமியாருடன்
சென்ற முருகன் விஷம் குடித்தார். அதே இடத்தில் அவர் இறந்தார். முருகன்
குடித்துவிட்டு கீழே போட்ட பாட்டிலில் இருந்த மீதி விஷத்தை குடித்த
தமிழரசி உயிருக்கு போராடினார். அவர் அருகே இருந்த கிணற்றில்
குதித்துள்ளார். தகவலறிந்து அங்கு வந்த அக்கம்பக்கத்தினர் அவரை மீட்டனர்.
தமிழரசி மேல் சிகிச்சைக்கு பாளை. ஐகிரவுண்ட் ஆஸ்பத்திரியில்
சேர்க்கப்பட்டார். முருகன் உடல் அம்பாசமுத்திரம் அரசு ஆஸ்பத்திரிக்கு
போஸ்ட்மார்ட்டத்திற்கு கொண்டு செல்லப்பட்டது. இதுகுறித்து வீரவநல்லூர்
சப்-இன்ஸ்பெக்டர் ரோஸ்லின்சாவியோ விசாரணை நடத்தினார். கள்ளக்காதல்
பிரச்னையால் மனமுடைந்து முருகன் தற்கொலை செய்துகொண்டதாக போலீஸ் தரப்பில்
தெரிவிக்கப்பட்டது. இச்சம்பவம் வீரவநல்லூர் பகுதியில் நேற்று பரபரப்பை
ஏற்படுத்தியது.