ரஷ்யாவில் வாட்டி எடுத்த வெப்பம் : ஆயிரக்கணக்கில் பரிதாப சாவு

நவீன் · நவீன் Thu Aug 19, 2010 7:47 am

மாஸ்கோ :
ரஷ்யாவில் வரலாறு காணாத கோடை வெப்பத்தால் ஆயிரக்கணக்கான
மக்கள் பலியாகியுள்ளனர். குளிர் பிரதேசமான ரஷ்யாவில் இந்த ஆண்டு கோடை
வெப்பம் வாட்டியெடுக்கிறது. 104 டிகிரி பாரன்ஹீட் அளவுக்கு வெயில்
காய்கிறது. இதனால், ரஷ்யாவில் வறட்சி நிலை ஏற்பட்டுள்ளது. உணவு உற்பத்தி
கணிசமாக பாதிக்கப்பட்டுள்ளது. நிலைமை சீராகும் வரை கோதுமை ஏற்றுமதிக்கு
அரசு தடை விதித்துள்ளது.
இதற்கிடையே மாஸ்கோவை ஒட்டியுள்ள காடுகளில் ஏற்பட்ட தீயில் சிக்கி
54 பேர் பலியாயினர். இந்த காட்டுத் தீயால் 134 கிராமங்கள்
பாதிக்கப்பட்டுள்ளன. காட்டுத் தீயினால் ஏற்பட்ட புகை மாஸ்கோ உள்ளிட்ட
நகரங்களை சூழ்ந்துள்ளது. இதனால், ஏராளமானவர்களுக்கு சுவாசக் கோளாறு
ஏற்பட்டுள்ளது. கடந்த 2003ம் ஆண்டு ஐரோப்பிய யூனியனில் இதே போன்று கடும்
கோடை வெயில் வாட்டியது. அந்த கோடைக்கு 50 ஆயிரம் பேர் பலியானார்கள். அதன்
பிறகு அவர்கள் கோடையை சமாளிக்கும் வழிமுறைகளை கண்டறிந்தனர்.
ரஷ்யாவுக்கு இந்த அனுபவம் இல்லாததால் கடந்த மாதத்தில் மட்டும் கோடை
உஷ்ணத்தை தாக்குபிடிக்க முடியாமல் ஆறாயிரம் பேர் வரை பலியாகியுள்ளனர்.
இந்த மாதத்தில் கடந்த 9ம் தேதி அன்று மட்டும் ரஷ்யாவின் பல்வேறு
பகுதிகளில் 700 பேர் பலியாகியுள்ளனர்.
குளிர் பிரதேசமான ரஷ்யாவில் மருத்துவமனைகள், ஆரம்ப சுகாதார
மையங்கள், ஆம்புலன்சுகள் என எதிலும் ஏ.சி., கிடையாது. எனவே, தற்போதைய
வெப்ப தாக்குதலால் பாதிக்கப்பட்டவர்களை ஏ.சி., அறையில் வைத்து சிகிச்சை
அளிக்க முடியாமல் மருத்துவமனை நிர்வாகங்கள் திணறுகின்றன. இதே போன்ற
வெப்பநிலை தொடர்ந்தால் துருவ பிரதேசங்கள் ஒரு சில ஆண்டுகளில் மறைந்து
விடும், என விஞ்ஞானிகள் எச்சரித்துள்ளனர்.

ரஷ்யாவில் வாட்டி எடுத்த வெப்பம் : ஆயிரக்கணக்கில் பரிதாப சாவு

ரஷ்யாவில் வாட்டி எடுத்த வெப்பம் : ஆயிரக்கணக்கில் பரிதாப சாவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக