தமிழ்

தமிழ்மொழி

" வானம் அளந்தனைத்தும் அளந்திடும் வண்மொழி "

என்று பாரதியாரால் போற்றப்பட்ட தமிழ் மொழி மனிதன் முதன்முதலில் பேசிய பழம் பெரு மொழிகளில் ஒன்றாகும். நம் அமிழ்தினும் இனிய செந்தமிழ், முதிர்ந்த இலக்கிய செல்வத்தை உடையது. கலைவாணர்களும், என்று பிறந்தவள் என்று உரியாக கூறமுடியாத தொன்மை வாய்ந்தவள் நம் தமிழ் அன்னை.

உலகின் மூத்த மொழியாக விளங்குகின்ற தமிழின் பழமையை,

" கல்தோன்றி மண்தோன்றா காலத்தே, வாளோடு முன் தோன்றிய மூத்தகுடி "

என்று புறப்பொருள் வெண்பா மாலை கூறுகின்றது. அதன் சிறப்பை,

"தமிழெனும் அளப்பரும் சலதி"

என்று கவிக்கம்பன் பாடுகிறான்.

இத்தகைய பழம் பெருமைவாய்ந்த தமிழ் மொழியானது விந்திய மலை தாண்டியும் பரவி இருந்தது. மக்கள் வாழ்க்கையில் இருந்து தோன்றுவது தான் இலக்கியம். எனவே தான் "மொழியே வாழ்க்கையின் கண்ணாடி" என்றும் மொழிவாயிலாக வாழ்வினை உணர்த்துவது இலக்கியம் என்றும், "literature is the criticism of life" என்றும் அறிஞர்கள் கூறியுள்ளனர்.

தமிழ்மொழியின் சிறப்பு

தமிழ்த் தூதுவர் தனிநாயகம் அடிகள்

" வணிகத்தின் மொழி ஆங்கிலம் என்றால், தூதின் மொழி பிரெஞ்சு என்றால், காதலின் மொழி இத்தாலியம் என்றால், தத்துவத்தின் மொழி ஜெர்மானியம் என்றால் உலகிலேயே பக்தியின் மொழி தமிழாகும்"

என்று கூறுகிறார். இத்தமிழ் மொழியானது முதன் முதலில் சிவபெருமானால் அகத்தியருக்கு உணர்த்தப்பட்டது என்பதை,
"ஆதியில் தமிழ் நூல் அகத்தியருக்கு உணர்த்தியது மாதொரு பாகனை வழுத்துதும் "
-என்ற பழம்பாட்டு உணர்த்தும்.திரிபுரம் எரித்த விரிசடை கடவுளும், குன்றம் எரித்த முருகவேளும் வீற்றிருந்து தமிழ் ஆராய்ந்த வரலாற்றை களவியல் உரை கூறும். எனவே, தமிழ் மொழியானது இறைவனால் படைக்கப்பது எனலாம்.

தமிழ் என்னும் சொல்லுக்கு இனிமை என்று பொருள் " இனிமையும் நீர்மையும் தமிழ் எனலாம்" என்று பிங்கள நிகண்டு கூறுகிறது. நீர்மை, அழகு, மென்மை போன்ற பல பொருள்கள் தமிழ் என்னும் சொல்லுக்கு இருப்பினும் இனிமை என்பதே அதன் பெருமையை, இயல்பை உணர்த்தும் சிறப்புப் பொருளாகும். "மதுரமான மொழி" என்று வால்மீகியும் தமிழைக் கூறுகின்றார்.

இனிமை வாய்ந்த அமுதுக்கு, நிகரான நம் பைந்தமிழுக்கு பின்னே பச்சை பசுன்கொண்டல் வண்ணன் திருமால் சென்றார் என்றும், பக்திப்பனுவல்கள் பாடுகின்றன. திருமங்கையாழ்வார் இறைவனையே தமிழ் என்று பாடி மகிழ்கிறார்.

என்றும் தமிழ்

அன்றும், இன்றும்,என்றும், வாழ்கின்ற, வாழும் தமிழ் மொழி பேசிய நாடு, பொருளாதாரம், கல்வி, வாணிகம் போன்ற துறைகளில் ஏற்றமும், சிறப்பும், பெற்று விளங்குகுகிறது என்று சொன்னால் அது மிகையாகாது. அத்தகைய தமிழ் மொழியின் பிள்ளைகளாக பிறப்பது அரிதினும் அரிது.

[You must be registered and logged in to see this image.] அருமையான பதிவு , வாழ்த்துக்கள் தமிழ்

தமிழைப் பற்றி அழகான நல்லதோர் பதிவு. நன்றிகள் தமிழ்.

தமிழின் தமிழும் வாழ்க !!

V.Annasamy wrote:தமிழைப் பற்றி அழகான நல்லதோர் பதிவு. நன்றிகள் தமிழ்.

தமிழின் தமிழும் வாழ்க !!

ராஜா wrote:[You must be registered and logged in to see this image.] அருமையான பதிவு , வாழ்த்துக்கள் தமிழ்

நமக்கு முகவரி கொடுத்தவள் நம் தாய் அவளின் புகழை பரப்புவதும் அவளை போற்றி பாடுவதும் நம் கடமை உங்கள் கடமையை செய்திருகிறீர்கள்

தமிழுக்கு தமிழே செய்த அணிகலன் வாழ்த்துக்கள்